Научный совет dsc

Тадқиқотнинг усуллари. Тадқиқот ўтказишда тадқиқотчи илмий 
билишнинг умумилмий диалектик усулидан фойдаланган. Бундан ташқари, 
тарихий, расман-мантиқий, қиёсий-ҳуқуқий, статистик, социологик, 
ижтимоий сўров ва тизимли таҳлил каби хусусий илмий услублар 
фойдаланилган. Мазкур усулларнинг барчаси маълум даражада диссертация 

---

28 
тадқиқоти натижаларининг аниқлиги ва асосланганлигини таъминлашга 
хизмат қилган. 
Тадқиқотнинг илмий янгилиги қуйидагилардан иборат: 
мажбурий жамоат ишлари шаклидаги янги жазо турини жазо тизимига 
киритиш лозимлиги асосланган;
суд томонидан айблов ҳукмини чиқаришда квалификация қилиш ва жазо 
тайинлашда айбдорнинг шахсини ҳисобга олиш, шунингдек кейинчалик 
жазодан озод қилган ҳолда айблов ҳукмини чиқариш ҳамда жазо 
тайинламасдан айблов ҳукмини чиқариш лозимлиги исботланган;
турли хил жиноий жазоларни тайинлашда суд жазони ўташ шартларини 
конкретлаштириш ва янада аниқ белгилаш лозимлиги асослаб берилган; 
бир неча жиноят содир этганлик учун ва бир неча ҳукм юзасидан узил-
кесил жазо тайинлаш ҳамда озодликдан маҳрум қилиш жазо муддатини 
ҳисоблаш юзасидан таклифлар асослаб берилган. 
Тадқиқотнинг амалий натижалари қуйидагилардан иборат: 
жазо тизимига янги турдаги 
«
узоқ муддатли озодликдан маҳрум қилиш
»
жазони киритиш, шу жазонинг мазмуни ва кўллаш коидалари билан боғлик 
янги моддалар билан тўлдириш ҳамда тегишли моддаларнинг санкциясини 
ўзгартириш, жарима, муайян ҳуқуқдан маҳрум қилиш, ахлоқ тузатиш 
ишлари, озодликдан маҳрум қилиш жазоларини тайинлаш, жазони 
енгиллаштирувчи ва оғирлаштирувчи ҳолатларига ўзгартиришлар киритиш, 
бир неча ҳукм юзасидан жазо белгилаш, жазоларни қўшишнинг ҳисоблаш, 
жазони ўташдан муддатидан илгари шартли озод қилиш билан боғлиқ 
масалалари юзасидан Жиноят кодексининг турли моддаларига ўзгартириш ва 
қўшимчалар киритиш тўғрисидаги Қонун лойиҳаси ишлаб чиқилган; 
Жиноят процессуал кодексининг тегишли моддасига асосий жазо 
сифатида тайинланган муайян ҳуқуқдан маҳрум қилишдан озод этиш 
қоидалари билан боғлиқ ўзгартириш киритиш тўғрисидаги Қонун лойиҳаси 
ишлаб чиқилган; 
Жиноят-ижроия кодексига муайян ҳуқуқдан маҳрум қилиш жазосини 
ўташ билан боғлиқ ўзгартириш ва қўшимчалар киритиш тўғрисидаги Қонун 
лойиҳаси ишлаб чиқилган; 
жазони тайинлаш билан боғлиқ муаммоларни ҳал этишга қаратилган 
Ўзбекистон Республикаси Олий суди Пленуми қарорига ўзгартириш ва 
қўшимчалар киритиш ҳақидаги таклифлар ишлаб чиқилган.