National researches of uzbekistan: conferences

Tayanısh sózler: 
eń shetki aymaq mektepke shekemgi shólkemi, tarbiyashılar,interaktiv 
metodlar, tarawdı rawajlandırıw jolındaǵı Prezident parmanları.
Ózbekstan Respublikası Prezidentiniń 2017-jıl 30 sentyabrdegi “Mektepke shekemgi shólkem 
sisteması basqarıwın túpten jetilistiriw is-ilajları” haqqındaǵı PP-5198 san parmanında keltirip 
ótilgendey, mektepke shekemgi tálim tarawı úzliksiz tálim sistemasınıń birlemshi buwını esaplanıp, 
ol hár tárepleme saw-salamat barkamal bala shaxsın tárbiyalaw hám mektepke tayarlawda úlken 
áhmiyetke iye. Házirgi tez pát penen rawajlanıp atırǵan dáwirde mektepke shekemgi shólkemlerdiń 
wazıypaları artıp barmaqta hámde balalardı tárbiyalawda pedagoglardan joqarı iskerlikti talap etedi. 
Búgingi kúnde Qaraqalpaqstan Respublikası Qanlıkól rayonımızda jıl sayın jańadan jańa mektepke 
shekemgi shólkemler boyın tiklemekte hám qaytadan rekonstrukciyalanbaqta. Sol qatarı rayonnıń 
shetki aymaǵı Arzimbetqum APJda jaylasqan 8-MSHBSH de qaytadan rekonstrukciyalanıp 
paydalanıwǵa tapsırıldı. Rayonımız boyınsha hár tárepleme eń aldı, úlgi bola alatuǵın mektepke 
shekemgi shólkemlerdiń biri bolıp kelmekte. Bul shólkemde balalar shet tillerine úyretilip, 
zamanagóy tárbiya beriw metodlarında bilim alıp, mektep ornına tayarlanıp kelinbekte. Mektepke 
shekemgi shólkemimiz tárbiyashı pedagogları da rayonlıq tańlawlarda belsene qatnasıp, óziniń 
tájiriybelerin arttırıp kelmekte . Balalarǵa tálim beriwde interaktiv metodlardan paydalanılǵan 
halda ótiwge kóbirek itibar qaratılmaqta. 
Dunya psixologları atap ótkendey: házirgi zaman balaları dunyada juz berip atırǵan waqıya 
hám qubılıslardı úlkenlerden de tez sezedi. Sol sebepli búgingi kún tárbiyashıları aldında bir 
qatar zárur wazıypalar turıptı. Solardan biri tálim processinde interaktiv usıllardan paydalanıw. 
Tárbiyashılardıń interaktiv usıllardan aqılǵa muwapıq, maqsetke hám sharayatqa baylanıslı 
didaktikalıq usıllarǵa tiykarlangan halatta paydalanıwǵa úyretiw búgingi kúnde zamanagóy 
pedagogikanıń áhmiyetli máselelerinen biri esaplanadı.
Mektepke shekemgi bilimlendiriw shólkemi tarbiyashıları ózleriniń iskerligine zamanagóy 
usıllardı mektepke shekemgi tálimge tiyisli bolǵan ilimiy maqalalar, jergilikli úlgi bola 
alatuǵın aldı tájriybelerden úyreniw arqalı keń jetilisip kelinbekte. Mektepke shekemgi tálim 
beriw shólkemlerinde interaktiv usıllardan “Aqlıy hújim”, “Galereyaǵa sayaxat” sıyaqlılardan 
paydalanıw zárur. Bul usıllar balanıń dunyaǵa názerin keńeytip, átirap-ortalıǵın tanıwda áhmiyetli 
bolıp esaplanadı.
Mektepke shekemgi bilim beriw shólkemlerinde tárbiyashılar balalarǵa tálim beriwde kóbirek 
interaktiv metodlardan qollanılsa, hám balanıń aqlıy tárepten tez rawajlanıwına járdem beredi, 
hám keleshegimiz bolǵan jas awladtiń qaliplesiwinde natiyjelerge erisilgen bolar edi. 
Juwmaq retinde atap ótiw tiyisli, Prezidentimizdiń bul tarawǵa kúshli itibar qaratıp atırǵanlıǵı 
sonı kórsetedi; tálim mektepke shekemgi shólkemnen baslanadı, hám ol jerden baslap bala dunyanı 
tanıydı hám kamalǵa keledi.