Nasos stansiyasi gidromexanik jihozlarga qo‘yiladigan talablar

4.4-rasm – Amu-Buxor-2 nasos stansiyasida oqiziqlarni tutib qoluvchi panjara oldida to‘planishi.

Tozalash qurilmasining parametrlarini asoslashda oqib kelayotgan oqiziqlarning o‘lchamlarini turi va hajmi katta ahamiyatga ega bo‘lib, uni to‘g‘ri tanlash oqiziqlarni to‘liq olib tashlashni ta’minlaydi (4.5-rasm) [12].

1

2

1-qamish poyalari va ildizlar; 2- daraxt poyalari.

4.5-rasm. Nasos stansiyasidagi panjaralar oldidan olib tashlangan oqiziqlar to‘plami.

Panjaralar oldida to‘planib qolgan oqiziqlarni o‘lchamlarini aniqlash uchun tajribalar o‘tkazildi va oqiziqlarning o‘lchamlari aniqlandi. (4.6-rasm).

4.6-rasm. Oqiziqlarni tarkibini o‘rganish va o‘lchamlarini o‘lchash uchun tayyorlangan na’munasi.

Ma’lumki nasos stansiyasidagi agregatlar yil davomida doimiy ishlamaydi. Buning asosiy sabablaridan biri Amudaryodan olinayotgan suvning sathi kam bo‘lishi bo‘lsa, ikkinchi sababi elektr quvvatining yetarli bo‘lmasligidir. Bu davrda suvning avankamera oldidagi o‘rnatilgan panjaralar oldidan bir xil miqdorda bo‘lmasligi sababli oqiziqlar bir xil to‘planmaydi.

Ayrim hollarda suv o‘z yo‘lini o‘zgartirishi natijasida yiqilgan daraxtlarning ham panjara oldiga ko‘ndalang va bo‘ylama holatda oqib kelishi kuzatildi.

Nasos stansiyalarida olib borilgan kuzatishlar natijasida suv bilan birga oqib kelayotgan oqiziqlarning o‘lchamlari, oqib kelish davri va hajmi to‘g‘risida quyidagi ma’lumotlar to‘plandi.

Oqiziqlar tarkibi bo‘yicha:

Qamish poyasi va ildizi- 53 %

Daraxt shoxlari va ildizlari – 29 %

Boshqalar (jonivorlar, baklashka, latta va har xil mahalliy aholidan chiqqan chiqindilar) – 18 %

Oqiziqlar tarkibi asosan qamish poyasi, daraxt shoxlari va ildizlaridan tashkil topganligini inobatga olib ularning qalinligi (diametri )bo‘yicha o‘lchanib o‘rtacha o‘lchamlari aniqlandi.

Olingan natija 4.1-jadvalda keltirilgan.