Nasos stansiyasi gidromexanik jihozlarga qo‘yiladigan talablar

4.1-rasm.Amu-Buxoro-2 nasos stansiyasiga suv keluvchi kanaliga oqiziqlarni tutib qolish uchun o‘rnatilgan panton turidagi qurilma

Gidrotexnika inshootlariga oqib kelayotgan suvning tozaligini ta’minlash katta ahamiyatga ega bo‘lib, nasos stansiyasi va uning qurilmalarini ishonchli, to‘xtamasdan ishlashini ta’minlaydi. Bu maqsadda to‘g‘onsiz suv olish inshootlarida, suv bilan birga oqib kelayotgan oqiziq, chiqindilar va cho‘kindilardan himoyalash uchun turli xildagi konstruktiv ko‘rinishga ega bo‘lgan qurilmalardan foydalaniladi.

Oqiziqlarni tutib qoluvchi to‘siqlar va panjaralar daryodan nasos stansiyasiga suv olinadigan kanal boshiga (suv yon tomondan olinadigan usulda), avankamera oldiga va bevosita so‘ruvchi trubalardan oldin o‘rnatiladi.

Nasos stansiyalariga kanallarda oqib kelayotgan suvdagi oqiziqlarni tutib qolish va tozalab olib tashlash ishlari katta mehnat talab qilish bilan birga, murakkab vazifalarni bajarilishini talab qiladi. Taxlillar shuni ko‘rsatadiki bu maqsadda foydalanishda bo‘lgan uskunalar va qurilmalar oqimni rostlash imkoniyatiga ega bo‘lish bilan birga avtomatik boshqaruv tizimiga ega bo‘lishi kerak. Ularni loyihalash davrida quyidagi talablarni inobatga olish lozim:

- gidravlik yo‘qotishlarning oldini olishi; (panton va to‘siqlarning suvni qarshiliklarsiz o‘tkazib yuborishi);

-qurilmani suvda o‘rnatish qulay, mustahkamligi yuqori, boshqarilishi oson bo‘lishi;

- ichiga suv kirib ketmasligi, sozlash va ta’mirlash ishlarining qulay va oson bo‘lishi lozim;

- funksional ishonchliligi va samaradorligi yuqori bo‘lishi lozim.

Qarshi mashina kanalining 1-NSga suv oladigan kanalning bosh qismiga o‘rnatilgan qurilma (zapan) oldida katta miqdorda oqiziqlar tutilib, to‘planib qolinganligi sababli, suv to‘silib kanalga o‘tadigan suvning sathi 0,5-1,2 metrgacha tushib ketgan[9]. Oqiziqlarni tutib qoluvchi qurilma oldida to‘planib qolgan oqiziqlarni olib tashlash uchun qo‘l kuchi sarflangan (4.2 rasm).


1

1

1-oqiziqlarni tutib qoluvchi panton;2-tutib qolingan oqiziqlar.