Naslli qoramol sotib olish uchun 2 552 ta oilaga 55,9 mlrd so‘m

Har bir oila — tadbirkor” dasturi doirasida 319 mln so‘mlik imtiyozli kredit mablag‘lari talon-taroj qilindi

Bosh prokuratura huzuridagi Departamentning Denov tuman bo‘limi xodimlari tomonidan, tuman prokuraturasi va Markaziy bank viloyat boshqarmasi bilan hamkorlikda AT “Xalq banki” Denov filialida “Har bir oila — tadbirkor” davlat dasturi ijrosi ahvoli o‘rganib chiqildi. Bu haqda Bosh prokuratura xabar berdi.

Foto: Bosh prokuratura
Tekshirish jarayonida 12 nafar fuqarolarga issiqxona qurish uchun 319 million so‘m imtiyozli kredit mablag‘lari ajratilganligi, bank tomonidan ushbu ajratilgan kredit mablag‘larining maqsadli ishlatilganligi o‘rganilmaganligi natijasida, mijozlar tomonidan kreditlar maqsadsiz sarflanib yuborilgan bo‘lsa-da, kreditlar maqsadli ishlatilayotganligi haqida monitoring dalolatnomalari rasmiylashtirilib, rasmiy hujjatlarga bila turib soxta ma’lumotlar kiritib, 319 million so‘mlik imtiyozli kredit mablag‘larini talon-toroj qilinishiga yo‘l qo‘yilganligi aniqlangan.
Mazkur holat yuzasidan AT “Xalq banki” Denov filiali mansabdor shaxslariga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.

Aholi va tadbirkorlarga yillik 8% stavkada imtiyozli kreditlar ajratiladi

Prezident qaroriga binoan hududlarda aholini tadbirkorlikka keng jalb qilish va oilaviy tadbirkorlikni rivojlantirishga doir qo‘shimcha chora-tadbirlar tasdiqlandi.

Foto: Eldos Fazilbekov / Spot
Prezident “Hududlarda aholini tadbirkorlikka keng jalb qilish va oilaviy tadbirkorlikni rivojlantirishga doir qo‘shimcha chora-tadbirlar to‘g‘risida"gi hujjatni imzoladi.

Qarorga muvofiq, viloyat, tuman (shaxar) iqtisodiyot va sanoat, bandlik, moliya, investitsiya, soliq, statistika bo’linmalari, xududiy Savdo sanoat palatasi, tijorat banklari, “Oilaviy tadbirkorlikni qullab-quvvatlash markazlari” va Markaziy banki tuzilmasida Axoli tadbirkorligini moliyaviy qo’llab-quvvatlash dasturlarini muvofiqlashtirish va monitoring qilish boshqarmasi tashkil etiladi.

“Har bir — oila tadbirkor” dasturi doirasida:

• 
  nazarda tutilgan loyihalar va tadbirlarni moliyalashtirish O‘zbekiston Tiklanish va taraqqiyot jamg‘armasi hamda xalqaro moliya institutlari kredit liniyalari mablag‘lari hisobidan amalga oshiriladi;
  
• 
  imtiyozli kreditlar aholi hamda tadbirkorlik subyektlariga yillik 8% stavkada 3−6 oygacha bo‘lgan imtiyozli davr bilan 3 yildan ko‘p bo‘lmagan muddatga ajratiladi.
  

Dastur asosida aholiga imtiyozli kreditlar endilikda Oilaviy tadbirkorlikni qo‘llab-quvvatlash markazlari xulosasi asosida ajratiladi.
Belgilanishcha, bunda dastlab shartnoma asosida loyiha egasi (kredit oluvchi)ga mahsulotlar (masalan, qoramol) yetkazib beriladi, loyiha egasi (kredit oluvchi) yetkazib berilgan mahsulotdan qanoatlanish hosil qilgandan so‘ng tegishli mablag‘lar bank tomonidan mahsulot yetkazib beruvchining hisobraqamiga o‘tkazib beriladi.
Prezident ijtimoiy-iqtisodiy rivojlanishi ortda qolayotgan hududlar masalalariga bag‘ishlangan yig‘ilish o’tkazib, unda iqtisodiy rivojlanishi ortda qolayotgan 32 tumanda har bir yo‘nalish bo‘yicha loyihalar amalga oshirilishi va ushbu loyihalarni moliyalashtirish manbalari “Har bir oila — tadbirkor”, “Yoshlar — kelajagimiz”, “Obod qishloq”, “Obod mahalla” kabi dasturlar bilan bog‘liq holda hal etilishi bo’yicha topshiriqlar bergan edi.