Nashrga ruxsat etaman”

1-HISOB-GRAFIKA ISHI
Temir yo‘llarda gabaritlar
Vazifa. Vazifada ko‘rsatilgan inshootlarning yaqinlashish gabariti, harakat tarkibi gabariti va asosiy o‘lchamlarini, qurilmalarning yaqinlashish hamda harakat tarkibning qo‘shma gabaritlari asosiy o‘lchamlari ko‘rsatilgan holda chizilsin. Temir yo‘llarda svetoforlar, kontakt tarmog‘i tayanchlari va boshqa moslamalar qurilmalarining yaqinlashish gabaritlari talablariga muvofiq joylashtirish shartlari ko‘rsatilsin.
Quyidagilar talab qilinadi:

1. Peregonning to‘g‘ri (egri) yo‘l uchastkasida yoki stansiyada qurilmalarning S yaqinlashish gabariti qalam bilan chizilsin va uning asosiy o‘lchamlari ko‘rsatilsin.

2. Harakatdagi tarkibning gabaritlari qalam bilan chizilsin va ularning asosiy o‘lchamlari ko‘rsatilsin.

3. Qurilmalarning yaqinlashish gabaritlari ichida harakatdagi tarkirbning T, 1-T, 0-T, 01-T, 02-T, 03-T gabaritlaridan biri chizilsin.

Vazifa shartlariga bog‘liq ravishda temir yo‘llarda svetoforlar, kontakt tarmog‘i tayanchlari va boshqa moslamalar qurilmalarining yaqinlashish gabaritlari talablariga muvofiq joylashtirish shartlari ko‘rsatilsin.

Poyezdlarning xavfsiz harakatlanishi uchun temir yo‘llar yaqinidagi inshootlar va moslamalar, shuningdek harakatdagi tarkib davlat standartlari tomonidan o‘rnatilgan qurilmalar va harakatdagi tarkibning yaqinlashish gabaritlari talablariga muvofiq kelishi lozim.