Narzulla Jo„rayev O„zbekiston tarixi

To„qqizinchidan,
yurtimizning barcha shahar-qishloqlarida qad rostlayotgan 
noyob inshootlar, ulkan bunyodkorlik ishlari, ulug„ ajdodlarimiz nomi bilan bog„liq 
bo„lgan me‟moriy majmualar bevosita I.A.Karimov nomi bilan bog„liq. 
Muxtasar qilib aytganda, I. A. Karimov O„zbekiston davlati va davlatchiligini 
barpo qilish, demokratik fuqarolik jamiyati qurish asoslarini yaratdi. Yangi asrda 
mamlakatimiz taraqqiyotining asosiy yo„nalishlarini ishlab chiqdi. Yurtimizning 
yorug„ istiqboli yo„lida ko„pmillatli xalqimizni birlashtirib, uni ulug„ maqsadlar sari 
boshlab bormoqda. 
5-§. O„zbekistonning o„ziga xos istiqlol va taraqqiyot yo„li 
O„zbekiston mustaqillikka erishganidan so„ng kun tartibida jahon andozalariga 
mos keladigan davlat qurish, siyosiy, ijtimoiy va iqtisodiy sohada tub islohotlarni 

---

46 
amalga oshirish, ularni qonun bilan mustahkamlaydigan huquqiy tizimni vujudga 
keltirish vazifasi turar edi. Chunki sobiq sotsialistik tuzumga xos ijtimoiy 
munosabatlar va jarayonlar endilikda respublikada barpo qilinajak yangi jamiyat 
manfaatlariga mos kelmas edi. Mulkchilik, mulkka egalik qilish va uni boshqarish, 
ishlab chiqarish omillari, bozor mexanizmi, davlatning ijtimoiy-iqtisodiy hayotini 
normal izga solish ana shunday jiddiy yangilanishlarni taqozo etar edi.
Shuni ham aytish kerakki, jahonda hamma mamlakatbop ijtimoiy-iqtisodiy 
rivojlanishning tamoyillari, barcha uchun tavsiya etish lozim bo„lgan tayyor 
andozalari hech qachon bo„lmagan va bo„lmaydi ham. Shu bilan birga rivojlanishning 
madaniy, ma‟rifiy, tarixiy jihatdan asrlar mobaynida shakllangan an‟analari mavjud 
bo„lgan O„zbekistonday qadimiy makonda o„ziga xos yo„l tanlash uchun ancha-
muncha izlanish lozim edi. Biroq, vaqtni boy bermay, tezkorlik bilan ish tutish lozim 
edi. Shuning uchun ham