Narzulla Jo„rayev O„zbekiston tarixi

«Meni hududni bosib olish maqsadida amalga 
oshirilayotgan tashqi qurolli tajovuz xavfi emas, balki miyasi zaharlangan 
yoshlarni o„zlari o„sib ulg„aygan shahar va qishloqlarni portlatishga 
o„rgatadigan platsdarm va bazalarni bunyod etishni maqsad qilib olgan diniy 
ekstremizm ekspansiyasi xavotirga solmoqda»
, deydi Islom Karimov. 
O„zbekiston rahbari bu fikri bilan birinchidan, hududni bosib olishga intilayotgan 
tashqi tajovuzlar ibtidoiy hodisa, aql-idrokdan xoli bo„lgan zo„ravonlik deb aytdi va u 
ayni yovvoyi olomon xuruji sifatida qo„rqinchli emasligini ta‟kidladi. Ayni ana shu 
qurolli tajovuzga qarshi tura biladigan, uni yenga oladigan qudratga egaligini 
ko„rsatadi. Bu eng avvalo, O„zbekiston davlatining siyosiy irodasidan, ma‟naviy 
qudratidan va qolaversa, harbiy imkoniyat darajasidan dalolat beradi. 
Islom Karimov tafakkurining nechog„li insonparvarligi, masalaga yondashish 
usulining yuksak darajadagi ma‟naviyligi va Shaxs sifatidagi qat‟iyati shundaki, u 
voqea-hodisalarning aynan o„zidan tahlikaga tushmaydi. Balki ularning xilma-xil 
shakllari paydo bo„layotgani, rivojlanayotgani, mazmun-mohiyati oqibati iztirobga 
soladi. Bu masalaning ikkinchi tomoni. Ya‟ni har qanday tashqi tajovuzlar emas, 
balki, miyasi zaharlangan yoshlarning o„zi tug„ilib o„sgan uyi, xonadoni, kindik qoni 
to„kilgan muqaddas tuprog„i, Ona-Vatani, mo„tabar ostonasiga bolta urishi, uni 
barbod etishi, portlatib yuborishi, kunpayakun qilishi. Bu manqurtlik o„z ajdodlariga, 
qavm-qarindoshlariga, volidai muhtaramasiga, padari buzrukvoriga qo„l ko„tarishdek 
bedavolikning urchib ketayotganligi bilan izohlanadi va uni ana shu umuminsoniy 
tanazzul hodisasi tashvishga soladi. 

---

270 
Dunyoda shunday davlatlar borki, ular o„z hududiga kimlar kirib, nimalar bilan 
shug„ullanib, qanday chiqib ketayotganiga e‟tibor ham berishmaydi. Bu yo ana 
shunday erkinlik va demokratiya niqobi ostidagi xalqaro o„yinlarga berilish, ularga 
ko„r-ko„rona xizmat qilish, jiddiy va qat‟iyat bilan qarash mas‟uliyatidan qochish yo 
bo„lmasa qandaydir manfaatdorlik natijasi, deyish mumkin. Aks holda Pokiston ayni 
ana shunday bedavolar uyasiga, ularning tajriba «maktab»lari joylashgan maydonga 
aylanarmidi? Qirg„iziston voqealari, xalqaro terrorizmning tajovuzkorligi xususida 
gazeta muxbiriga gapirar ekan, Prezident Islom Karimov