Наряд тизими” тўғрисидаги Низом Кириш

II. Наряд тизимининг ишлаши
14. Наряд тизими қуйидаги чора-тадбирларнинг кетма-кет амалга оширилиши билан таъминланади:
- наряд, топшириқни тайёрлаш;
- наряд, топшириқни расмийлаштириш;
- нарядни келишиш;
- наряд, топшириқни бериш;
- ижрочиларни наряд, топшириқ бўйича ишларни амалга ошириш-га қўйиш;
- наряд, топшириқ бўйича ишларни амалга ошириш;
- наряд, топшириққа ўзгаришлар киритиш (уларни тузатиш);
- наряд, топшириқнинг амалга оширилиши устидан назоратни амалга ошириш;
- наряд, топшириқнинг амалга оширилганлиги тўғрисида ҳисобот бериш.
III. Ишларни бажаришга наряд
15. Нарядни тайёрлаш:
15.1. Наряд берувчи раҳбар, шахсан кўриш йўли билан ёки олдинги смена ишлар раҳбари ва (ёки) ижрочиларнинг оғзаки маълумотлари, ёзма ҳисоботлари ҳамда тезкор-диспетчер хизматининг маълумотларидан олинган иш жойлари ва ишлаб чиқариш жараён-ларининг ҳолати тўғрисидаги ахборотлар асосида ишлаб чиқаришнинг вазиятини баҳолайди, наряд бўйича келгуси ишларни хавфсиз амалга ошириш учун ташкилий чора-тадбирларни аниқлайди ҳамда ишларнинг ҳажмини, кетма-кетлиги ва амалга ошириш муддатларини ҳамда ишлар учун керак бўладиган материаллар, асбоб-ускуналар, мосламалар, индивидуал ва жамоавий ҳимоя воситаларини белгилайди.
15.2. Нарядни расмийлаштириш:
15.2.1. Наряд берувчи раҳбар нарядни 1-иловадаги шакл бўйича ёзма равишда расмийлаштиради. Наряднинг мазмуни қисқа ва тушунарли бўлиши, ишлар уларнинг амалга оширилиши кетма-кетлиги тартибида ёзилиши керак.*
15.2.2. Ишларни ташкиллаштиришнинг паспортлари ёки лойиҳаларида ёхуд ўхшаш мазмун ва вазифалардаги, белгиланган тартибда тасдиқланган бошқа ҳужжатларда кўзда тутилган ишларни бажаришга нарядларни, ушбу ҳужжатларга ҳавола қилган ҳолда, ишлар ва хавфсизлик чораларини батафсил ёритиб ўтирмасдан беришга рухсат этилади. Ишлар раҳбарлари ва ижрочилари мазкур ҳужжатлар билан имзо қўйдирган ҳолда таништирилиши керак.
15.2.3. Нарядлар Китобига ёзиш қора, кўк ёки бинафша рангдаги ручкалар билан аниқлик ва тушунарлиликка риоя қилган ҳолда амалга оширилиши керак. Нарядлар Китобида тузатишлар, ишқалаб ўчириш-лар ва бўяшлар бўлишига йўл қўйилмайди. Қайд нотўғри амалга оширилганда, наряд берувчига “нотўғри ёзув” белгисини қўйган ҳолда, имзо ва сана қўйиб нотўғри ёзувнинг устидан эҳтиёткорлик билан чизиқ тортиб ўчиришга рухсат берилади, шундан кейин янги ёзув амалга оширилиши керак.
Нарядлар Китоби рақамланган, шнурланган ва муҳр билан маҳкамланган бўлиши керак. Нарядлар Китобининг титул варағида бўлинма, цехнинг (участка, хизматнинг) номи, бошланиш ва тугатилиш саналари қўйилган бўлиши керак (тугатилиш санаси китобни сақлаш учун архивга топширишда қўйилади).
15.2.4. Нарядда участкада смена давомида ўтказилиши режалаш-тирилаётган ишлар, шу жумладан бошқа участка ва хизматларнинг ходимлари томонидан амалга ошириладиган ишлар кўрсатилган бўлиши керак.
* Изоҳ: қадоқлаш ишларини амалга оширишда 2-иловага мувофиқ шакл бўйича.
15.2.5. Наряддаги ишларнинг ҳажмлари меҳнатнинг амалдаги меъёрларидан келиб чиққан ҳолда, улар бўлмаганда эса, ўхшаш ишлар бўйича уларни ўтказишга кетган вақтнинг сарфланиши асосида ўрнатилиши керак.
15.2.6. Хавфи юқори бўлган ишларни бажаришга наряд наряд-ларни бериш Китобига ёзган ҳолда берилади. Бунда, “Ишларнинг хавфсизлиги бўйича кўрсатмалар” устунига “Ишлар “____” __________ даги _______ -сонли наряд-рухсатнома бўйича амалга оширилади” деган ҳавола киритилади.