Наряд тизими” тўғрисидаги Низом Кириш

- меҳнат муҳофазаси (хавфсизлиги) бўйича аниқ йўриқнома-ларнинг аниқ пунктлари;
- ишларни хавфсиз бажаришнинг харита ва лойиҳалари;
- ижрочи имзо қўйиб танишган ва иш жойида мавжуд бўлган инструктаж дастурлари ҳамда бошқа меъёрий йўл-йўриқ берадиган ҳужжатлар.
21. Топшириқ берувчи раҳбар (смена бўйича катта) технологик сменанинг ишчиларига берадиган ёзма топшириғида ишларнинг аниқ участкаси ва хизмат кўрсатадиган ускунани кўрсатиши, келгусидаги ишларни амалга оширишнинг хавфсиз услублари бўйича инструктаж ўтказиши, ижрочиларга меҳнатнинг ўзига хос шароитлари ҳамда хизмат кўрсатадиган ускунанинг ҳолати, охирги топшириқни бергандан буён амалга оширилган вазият ва меҳнат шароитларидаги ўзгаришларни кўрсатиши керак.
22. Хавфи юқори бўлган ишларни бажаришга топшириқ Топши-риқлар журналига ёзма равишда берилади. Бунда, “Ишларнинг хавфсиз-лигини таъминловчи чора-тадбирлар” устунига қуйидагича ҳавола қилинади: “Ишлар ___________ даги ______ -сонли наряд-рухсатнома бўйича амалга оширилади”.
23. Топшириқлар журналига қайдлар қора, кўк ёки бинафша ранг-даги сиёҳ билан аниқлик ва тушунарлиликка риоя қилган ҳолда амалга оширилиши керак. Топшириқлар журналида тузатишлар, ишқалаб ўчиришлар, бўялишлар бўлиши тақиқланади. Ёзув нотўғри амалга оширилганда, топшириқ берувчига “нотўғри ёзув” белгисини, имзо ва санани қўйган ҳолда, нотўғри ёзувнинг устидан эҳтиёткорлик билан чизиқ тортиб ўчиришга рухсат берилади, шундан кейин янги ёзув амалга оширилиши керак.
Топшириқлар журнали рақамланган, шнурланган ва муҳр билан маҳкамланган бўлиши керак. Топшириқлар журналининг титул варағида бўлинма, цехнинг (участка, хизматнинг) номи, бошланиш ва тугатилиш саналари қўйилган бўлиши керак (тугатилиш санаси китобни сақлаш учун архивга топширилаётган вақтда қўйилади).
24. Топшириқ амалга оширилгандан кейин ишлар масъул ижро-чиси (агар ишчилар звеносига битта топшириқ берилган бўлса) ёки ишлар ижрочиси (агар топшириқ бир нафар ижрочига берилган бўлса) топшириқнинг амалга оширилганлиги (амалга оширилмаганлиги) тўғрисида топшириқ берган бевосита раҳбарга хабар бериши ва топшириқлар журналига ишларнинг тугатилганлиги тўғрисида ёзув киритиши керак.