Namangan muhandislik-qurilish instituti kimyoviy texnologiya

Dissosilanish darajasi. Kuchsiz elektrolitning dissosilanishi natijasida hosil bo'lgan kation va anionlar bir biri bilan to'qnashib qayta erigan modda molekulasini hosil qila oladi, demak kuchsiz elektrolitning elektrolitik dissosilanishi qaytar jarayondir. Kuchsiz elektrolitning dissosilanish tenglamasida kuchli elektrolitning dissosilanish tenglamasidan farqli o'laroq tenglik belgisi o'rniga qaytar belgisi yoziladi.

Erigan moddalar yoki eritmadagi elektrolit miqdorining qancha qismi ionlarga ajralganligini ko'rsatuvchi kattalik elektrolitik dissosilanish darajasi deyiladi va  harfi bilan belgilanadi.

n - moddaning ionlarga ajralgan molekulalar soni; N - erigan moddaning molekulalar soni.

Elektrolitning dissosilanish darajasini foizda ifodalash uchun  ni 100% ko'paytiriladi.

Agar elektrolitning dissosilanish darajasi  < 3% bo'lsa kuchsiz elektrolit,   3-30% bo'lsa o'rta kuchli elektrolit, 30% dan ortiq bo'lsa, kuchli elektrolit hisoblanadi.

Dissosilanish darajasi elektrolit va erituvchining tabiatiga hamda eritmaning konsentrasiyasiga bog'liqdir. Elektrolitning dissosilanish darajasi bir erituvchidan boshqa erituvchiga o'tish bilan o'zgaradi. Eritma suyultirilganda dissosilanish darajasi ortadi.