Наманган Мухандислик Педагогика Институти Касб таълими факультети

KO’MIR  SANOATI.  Mamlakatimiz  xududidan  dastlabki  ko’mir  qazib  olish 
1930  yillarning  oxirida  boshlangan.  Toshkent  viloyatining  Oxangaron  vodiysida 
Angren,  Surxondaryo  viloyatining  Sariosiyo  (SHarg’un  )  va  Boysun  (To’da) 
tumanlarida  ko’mir  konlari  bor.  Angren  qo’ng’ir  ko’mir  konida  1940-1948  yillardan 
buyon  ochik  va  yopik  usullarda  ko’mir  qazib  olinadi.  1941  yilda  topilgan  SHarg’un 
konidan  1958  yildan  buyon  toshko’mir  qazib  olinadi.  1961  yilda  Angren  ko’mir 
konida  yer  osti  gazogeneratorlarida  ko’mirni  yuqori  bosimdagi  havo  oqimi 
yordamida energetik  gazga aylantiradigan  " yerostigaz" stantsiyasi qurilgan. 
Mamlakat  xalq  xo’jaligining  ko’mirga  bo’lgan  extiyoji  hamisha  katta.  Birok 
mavjud  ko’mir  zahiralarining  yildan-yilga  kamayib  ketishi  ko’mir  qazib  olish 
darajasiga  ham  salbiy  ta’sir  ko’rsatmoqda.  M.,  mamlakatda  1990  yilida  salkam  6,5 
mln  t  ko’mir  qazib  olingan  bo’lsa,  endilikda  uning  xajmi  pasayib  5,5  mln  t  tashkil 
topdi  (1997)  .  Angren  va  Yangi  Angren  GRES  larining  to’la  kattik  yoqilg’i 
(ko’mir)ga  o’tkazilishi  bilan  mamlakatning  ko’mirga  bo’lgan  yillik  extiyoji  8-9  mln  t 
ga  yetdi.  Bunday  extiyojni  qondirish  Boysun  tumanidan  topilgan  Tuda  toshko’mir 
konini  tezrok  ishga  tushirishni  hamda  Qozog’iston  bilan  iqtisodiy  integratsiyaning 
yangi  ufklarini  topishni taqozo qiladi. 
O’zbekiston  MDX  mamlakatlari  o’rtasida  ko’mir  qazib  olish  bo’yicha 4-o’rinda 
turadi va dunyo mamlakatlari  o’rtasida birinchi  o’nlikka  kiradi.