Наманган давлат университети

Тадқиқотнинг республика фан ва технологиялари ривожланишининг устувор йўналишларига мослиги. Мазкур тадқиқот иши республика фан ва технологиялар ривожланишининг I. “Ахборотлашган
жамият ва демократик давлатни ижтимоий, ҳуқуқий, иқтисодий, маданий, маънавий-маърифий ривожлантиришда инновацион ғоялар тизимини шакллантириш ва уларни амалга ошириш йўллари” устувор йўналиши доирасида бажарилди.
Муаммонинг ўрганилганлик даражаси. Мамлакатимиз олимлари томонидан коммуникатив компетентлик, коммуникатив ёндашувни амалга оширишнинг назарий асослари Н.А.Муслимов, Б.Х.Ходжаев, М.Ваҳобов, талабаларга маданиятлараро мулоқотни ўргатишда лингво- мамлакатшуносликка оид матнлардан фойдаланиш Г.Д.Мальцева, И.И.Халеева, Г.Т.Маҳкамова, Ш.Н.Убайдуллаев, педагогик технологиялар асосида тафаккурни ривожлантириш ва ўқув-билув жараёнини ижодий ташкил этиш муаммолари Ж.О.Толипова, Ж.Ғ.Йўлдошев, М.Ҳ.Усмонбоева, Б.Б.Садуллаев, бошланғич таълим тизимида чет тилни ўқитиш ва ўргатиш, бошланғич синф ўқувчиларнинг коммуникатив компетенциясини шакллантириш масалалари О.В.Абдувалиева, Ғ.Ш.Тажибаев, Д.А.Таджибаева, Ҳ.А.Юлбарсовалар томонидан тадқиқот ишлари олиб борилган.
Мустақил Давлатлар Ҳамдўстлиги (МДҲ) мамлакат олимлари томонидан чет тилларни бошланғич синфларда ўрганиш ва ўргатишнинг психологик асослари Л.С.Выготский, И.А.Зимняя, чет тил таълимида тил ўрганувчиларнинг коммуникатив компетенциясини такомиллаштириш В.Н.Барышников, Н.И.Гез, Н.Д.Гальскова, Р.П.Мильруд, Л.Н.Яковлева, чет тилларни ўргатиш жараёнида самарали мулоқот технологияларини ишлаб чиқиш Е.И.Пассов, А.И.Шчербакова, В.В.Сафоновалар яратган назариялар ҳозирги чет тил ўқитиш методикаси учун манбаа бўлиб хизмат қилмоқда.
Хорижий давлат олимлари N.Chomsky, S.Canale, M.Swain, D.Hymes, E.Bérard, F.Carton, M.Grammont, J.Piaget, S.Moirand, J.P.Cuq чет тилларни ўрганиш жараёнида нутқий мулоқот юритиш кўникмаларини, хорижий психологлар SH.Bühler, Erikson, Chateau, Getier, K.Gross, Z.Freud, F.Schiller лар дидактик ўйиннинг психологик хусусиятлари, маданий-тарихий концепцияси ва унинг мазмун-моҳияти бола ривожланишида муҳим аҳамиятга эга эканлиги тўғрисида кўплаб назариялар ишлаб чиққанлар.
Бироқ, тахмин натижаси бошланғич синф ўқувчилари коммуникатив компетенцияларини француз тили дарсларида дидактик ўйинлар воситасида шакллантириш масаласи монографик жиҳатдан амалий ўрганишни тақозо этади.