Namangan davlat universiteti tabiiy fanlar va ekologiyaga oid ayrim muammolar

Tabiiy fanlar va ekologiyaga oid ayrim muammolar (Ilmiy maqolalar to’plami) XVII
59 
Фарғона ҳамда бошқа катта – кичик каналларнинг қайта реконструкциялаш ишлари 
амалга оширилди. Суғориш ва ўзлаштириш ишларининг таҳлили шуни 
кўрсатадики, ўтган йиллар давомида олиб борилган бу ишлар қишлоқ хўжалик 
экинларининг ҳосилдорлигини ошириш ва экин майдонлари таркибини яхшилаш 
йўли билан қўриқ ва бўш ётган ерларни суғориш режимини яхшилашдан иборат 
бўлиб, бу тадбир фақат пахтачиликни эмас, балки чорвачилик, пиллачилик ва 
иқтисодиётнинг бошқа тармоқларини ҳам ривожлантиришга қаратилган эди. 
Кейинчалик эса Марказий Фарғона ерларини суғориш ва ўзлаштириш ҳам 
Мирзачўл, Қарши чўли ва бошқа қўриқ ерларни ўзлаштириш каби Ўзбекистонда 
қишлоқ хўжалигини айниқса пахтачиликни янада ривожлантиришнинг зарур 
шарти бўлиб қолди. 
Марказий Фарғонанинг қўриқ ва бўз ерларини ўзлаштириш қа суғориш учун 
бошқа массивларга нисбатан ирригация қурилиш ишларига анча кам маблағ ҳамда 
меҳнат сарфланади. Чунки бу ерлар суғориш учун қулай ҳамда ишчи кучи етарли. 
Марказий Фарғона ерлари тўла ўзлаштирилиб бўлингандан кейин мавжуд 
экинзорлардан агротехника қоидаларига риоя қилган ҳолда фойдаланиш ҳам 
асосий масалалардан ҳисобланади. Қишлоқ хўжалиги ишлаб чиқаришнинг бундан 
кейинги ривожланишини ўзлаштирилаётган ерларда илмий жиҳатдан асосланган 
агротехника тадбирларини ва экин майдони таркибини Марказий Фарғона 
шароитига мослаб жойлаштириш мақсадга мувофиқ.. Бу эса ўз навбатида 
пахтачиликни самарадорлигини ҳисобга олган ҳолда экинларни янги ерларга 
жойлаштиришни тақозо этади. Ернинг табиий унумдорлигидан тўла фойдаланиш 
ҳамда уни иқтисодий жиҳатдан маҳсулдорлигини ошириш учун фан ютуқларидан 
илғор тажрибалардан, замонавий машина ва техникалардан фойдаланиш зарур. 
Чунки улардан самарали фойдаланилмаса қишлоқ хўжалиги тармоқларини, 
айниқса янги ўзлаштирилган ерларда ривожлантириш учун имконият етарли 
бўлмайди. Шуни айтиб ўтиш керакки, ер сув ва меҳнат ресурсларидан, шунингдек, 
иқтисодий ресурслардан оқилона фойдаланиб меҳнат унумдорлигини янада 
оширилганда Марказий Фарғона чўлларининг ўзлаштирилган ерларида қишлоқ 
хўжалиги маҳсулотлари етиштиришни кескин даражада кўпайтириш мумкин.