Namangan davlat universiteti tabiiy fanlar fakulteti

5. Qo’rg’oshin asetat bilan reaksiya. Flavonoidlarning chinni idishchada olingan spirtli eritmasiga qo’rg’oshin (II) — asetat spirtli eritmasidan qo’shib aralishtiriladi. C halqada bo’sh holda ortogidroksil guruhi bo’lgan flavonlar, xalkonlar va auronlar qo’rg’oshin (II) — asetat eritmasi bilan tiniq sariq yoki qizil rangli cho’kma hosil qiladi. Agar qo’rg’oshin (II) — asetat o’rnida qo’rg’oshin (II) — gidroasetat eritmasi qo’llanilsa, flavonoidlar qariyb hammasi rangli cho’kma beradi. Bu reaksiyada antosianlar qizil yoki ko’k rangli cho’kma hosil qilishi mumkin.
6. Mineral kislotalar bilan reaksiya. Chinni idishchadagi flavonlarning spirtli eritmasiga xlorid kislota ta’sir ettirilsa, flavonoidlarning hamma guruxlari (katexinlardan tashqari) rangli reaksiya beradi. Flavonlar va flavonollar tiniq sariq (oksoniy tuzlari hosil bo’ladi), flavanonlar zarg’aldoq —pushti, qizil, antosianlar zarg’aldoq yoki qizil rangga bo’yaladi.
Xalkonlar va auronlar kislotaning konsentrlangan eritmasi bilan oksoniy tuzlari hosil bo’lishi hisobiga qizil rang hosil qiladi.
Xlorid kislota o’rnida konsentrlangan. sulfat kislota olingan taqdirda katexinlar, antosianlar va flavanonlar qizil, flavon va flavonollar tiniq sariqdan zarg’aldoq ranggacha bo’yaladi.
7. Alyuminiy xlorid bilan reaksiya. Chinni idishchadagi flavonoidlarning spirtdagi 5ml eritmasiga (yoki o’simlikdan tayyorlangan flavonoidlarnyng 5ml spirtli ajratmasiga) AlCl₃ ning spirtdagi 5%li eritmasidan bir necha tomchi tomizilsa, ko’pchilik flavonoidlar sariq rang hosil qiladi.
8. Temir (ІІІ)-xlorid bilan reaksiya. Chinni idishchadagi flavonoidlarning spirtdagi 5ml eritmasiga (yoki o’simlikdan tayyorkangan flavonoidlarni.ng 5ml spirtli ajratmasiga) FeCL₃ ning spirtdagi 5%li eritmasidan bir necha tomchi qo’shilsa, to’q zangori, to’q binafsha, to’q yashil yoki yashil rang hosil bo’ladi.
FeCl₃ eritmasi bilan flavonoidlarning hamma guruxlari rangli reaksiya beradi.
9. Vanilin bilan reaksiya. Chinni idishchadagi vanilinning konsentrlangan xlorid kislotadagi 1%li eritmasiga katexinlar qo’shilsa, qizil rang hosil bo’ladi.