Наманган давлат университети Наманган муҳандислик-қурилиш институти

Айрим мамлакатларда банкларнинг қарз ва кредитлар бериш
бўйича ўртача фоиз ставкаси¹⁶⁷

Мамлакат^168	Қарзлар ва кредитлар бериш бўйича ўртача фоиз ставкаси
Канада	3—5,3 фоиз (баъзи манбаларда 2%дан^169)
Чехия^170	3,83 — 4,3 фоиз
Германия^171	5—6 фоиз (имтиёзли 1—2 фоиз)
Швейцария	0,92—2,08 фоиз
Буюк Британия	2,45—3,52 фоиз
Франция	2,75—3,69 фоиз
Жанубий Корея	>8 фоиз
АҚШ	3,07—4,43 фоиз
Италия ва Испания^172	5,2—5,6 фоиз
Россия^173	10,23—11,04 фоиз
Қозоғистон^174	13—14,5 фоиз
Ўзбекистон^175	20—24% (26—32%)^176

Мамлакатда банкларнинг кредитлар бериш бўйича йиллик ўртача фоиз ставкаси 3 фоиздан 5,3 фоизгача ўзгариб туради. Бу эса Осиё ёки Россия мамлакатлари билан солиштирганда, кичик бизнес корхоналарининг ривожланиши учун энг мақбул даража ҳисобланади (2.5-жадвал).
Эътироф этиш керакки, Канаданинг шимолий ўлкаларида кичик бизнес ва тадбиркорликни қўллаб-қувватлашнинг алоҳида ўзига хос тизими ишга туширилган бўлиб, бу тизим шимолнинг камсонли туб аҳолиси таркибида тадбиркорлик фаолияти билан шуғулланувчилар учун жуда катта қулайлик яратади. Ўз навбатида мазкур тизим Канаданинг шимолий ўлкаларида кичик бизнес ва тадбиркорликни кенг ривожлантиришга йўналтирилган чора-тадбирларни амалиётга жорий этиб боради.
Японияда ҳукумат томонидан қўллаб-қувватлаш мақсадида ажратилган «...субсидияларнинг 80%дан кўпроғини илмий-техник дастурларга, шунингдек, кичик корхоналарда ишлаб чиқаришнинг технологик даражасини кўтаришга, енгил ва озиқ-овқат саноатидаги технологияларни такомиллаштиришга йўналтирилгандир»¹⁷⁷. Япония префектураларида ҳаракат қилувчи 500 дан ортиқ савдо-саноат палаталари ва уларнинг филиаллари кичик корхоналарга маслаҳат, молия, таълим ёрдамини кўрсатадилар. Улар туфайли кичик бизнесни давлат томонидан қўллаб—қувватлаш амалга оширилар экан, қуйидагиларга жиддий эътибор берилади:

• 
  имтиёзли солиққа тортиш;
  
• 
  жадаллаштирилган амортизация;
  
• 
  имтиёзли кредитлаштириш;
  
• 
  ходимларни ўқитишда ва банкротлик ҳолатида ёрдам кўрсатиш;
  
• 
  техник даражаси ўсишини рағбатлантириш.
  

Кичик ва ўрта корхоналарни (КЎКларни) ривожлантириш стратегияси бўйича барча масъулият давлатнинг юқори органи ҳисобланган Иқтисодиёт, савдо ва саноат вазирлиги (ИССВ) зиммасидадир. Мазкур вазирликда «КЎКларни ривожлантириш сиёсати бўйича Кенгаш» ташкил этилган бўлиб, 2001 йилда КЎКларни қўллаб-қувватлашнинг давлат тузилмалари ишларини мувофиқлаштириш мақсадида (ИССВ таркибида) «КЎКлар агентлиги» ҳам ишга туширилди (2.10-расм).

2.10-расм. Японияда кичик тадбиркорликни давлат томонидан