Namangan davlat universiteti jismoniy tarbiya fakulteti

Bir nafar o‘quvchi-sportchi uchun normativlar miqdori, bazaviy tarif stavkasiga nisbatan foizlarda

sport turlari guruhlari
I	II	III
I. O‘zbekiston Respublikasi terma jamoalari tarkibiga sportchilarni, respublika va xalqaro musobaqalar sovrindorlarini tayyorlash
Terma jamoaning asosiy tarkibi	butun davrda	55 gacha	45 gacha	40 gacha
Terma jamoa stajyorlari	butun davrda	45 gacha	35 gacha	30 gacha
Olimpiya o‘yinlari, jahon chempionatlari va kuboklari sovrindorlari (I — III o‘rinlar)	butun davrda	150 gacha	150 gacha	150 gacha
Osiyo o‘yinlari, Osiyo chempionatlari va kuboklari sovrindorlari (I — III o‘rinlar)	butun davrda	140 gacha	140 gacha	140 gacha
O‘zbekiston Respublikasi chempionatlari va kuboklari sovrindorlari (I — III o‘rinlar)	butun davrda	100 gacha	100 gacha	100 gacha
II. Sport maktablarida tayyorlash bosqichlarida o‘quvchi-sportchilarni tayyorlash
Oliy sport mahorati	butun davrda	40	25	35
Sport bo‘yicha takomillashtirish	1 yilgacha	20	10	15
	1 yildan ko‘p	30	15	20
O‘quv-mashq mashg‘ulotlari	2 yilgacha	8	4	5
	2 yildan ko‘p	12	6	8
Boshlang‘ich tayyorgarlik	1 yilgacha	2	2	2
	1 yildan ko‘p	3	2,5	2,5
Sport-sog‘lomlashtirish mashg‘ulotlari	12 yoshdan 17 yoshgacha	2,5	2,5	2,5
	12 yoshgacha	2	2	2

Oldingi tahrirga qarang.
9. O‘quvchi-sportchilarni O‘zbekiston Respublikasining terma jamoalari asosiy tarkibiga va stajyorlarini, respublika va xalqaro sport musobaqalari sovrindorlarini tayyorlash uchun sport maktablari trener-o‘qituvchilari mehnatiga haq to‘lash normativlari miqdorlari eng yuqori hisoblanadi. Bir nafar o‘quvchi-sportchi uchun trener-o‘qituvchilarga mehnatga haq to‘lash normativlarining aniq miqdorlarini belgilash to‘g‘risidagi qaror sport maktabi rahbariyati tomonidan, mehnatga haq to‘lashning belgilangan miqdorlari va fondi doirasida qabul qilinadi.
(9-band O‘zbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — O‘R QHT, 2016-y., 43-son, 499-modda)
10. Sport turlari guruhlar bo‘yicha quyidagi tartibda taqsimlanadi:
sport turlarining birinchi guruhiga — sportning jamoaviy o‘yin turlaridan tashqari, sportning barcha olimpiya turlari kiradi;
sport turlarining ikkinchi guruhiga — sportning jamoaviy o‘yin turlari kiradi;
sport turlarining uchinchi guruhiga — sportning boshqa barcha turlari kiradi.
11. Bir nafar o‘quvchi-sportchi uchun normativlar bo‘yicha o‘quv-mashq ishlari uchun sport maktabining trener-o‘qituvchisi mehnatiga haq to‘lashda trener-o‘qituvchining lavozim maoshini ustamalar va qo‘shimcha haqlarsiz hisoblab chiqarish unga belgilangan bazaviy tarif stavkasini uning mehnatiga haq to‘lashning foizlar hisobidagi normativiga ko‘paytirish yo‘li bilan amalga oshiriladi.
Trener-o‘qituvchi tomonidan bir nechta o‘quvchi-sportchi tayyorlangan taqdirda ushbu trener-o‘qituvchining mehnatiga haq to‘lash normativi har bir o‘quvchi-sportchi bo‘yicha uning sportdagi yutuqlarini va tayyorlash bosqichlarini hisobga olgan holda, belgilangan normativlar miqdorlarini jamlash yo‘li bilan belgilanadi.
Bunda trener-o‘qituvchining ustama va qo‘shimcha haqlarsiz lavozim maoshi unga belgilangan bazaviy tarif stavkasi miqdorining uch baravaridan oshmasligi kerak.
Oldingi tahrirga qarang.
O‘zbekiston Respublikasi Jismoniy tarbiya va sport vazirligi sport maktablarining yuqori toifali sportchilar tayyorlashda salmoqli natijalarga erishgan ayrim trener-o‘qituvchilariga bazaviy tarif stavkasi miqdorining besh baravarigacha miqdorda lavozim maoshi belgilash huquqiga ega.
(11-bandning to‘rtinchi xatboshisi O‘zbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari ma’lumotlari milliy bazasi, 09.07.2018-y., 09/18/508/1477-son)
12. Sport bo‘yicha tayyorgarlikdan o‘tayotgan o‘quvchi-sportchi turli sport yutuqlariga ega bo‘lgan taqdirda, trener-o‘qituvchi mehnatiga haq to‘lash normativini belgilashda, mazkur o‘quvchi-sportchining yutuqlarini hisobga olgan holda belgilangan normativning eng yuqori miqdori qo‘llanadi.
13. Bir nafar o‘quvchi-sportchi uchun mehnatga haq to‘lash normativi miqdori sport maktabining trener-o‘qituvchisiga:
Oldingi tahrirga qarang.
O‘zbekiston Respublikasi sport terma jamoasining asosiy tarkibiga sportchilar (stajyorlar) tayyorlaganlik uchun — o‘quvchi-sportchi O‘zbekiston Respublikasi sport terma jamoasining asosiy tarkibiga (stajyorlikka) kiritilgan sanadan keyingi oy boshidan e’tiboran belgilanadi va o‘quvchi-sportchi jamoa tarkibida bo‘ladigan butun davrda saqlanib qoladi;
(13-bandning ikkinchi xatboshisi O‘zbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — O‘R QHT, 2016-y., 43-son, 499-modda)
Oldingi tahrirga qarang.
Olimpiya va Osiyo o‘yinlari, jahon va Osiyo chempionatlari hamda kuboklari sovrindorlarini tayyorlaganlik uchun — ko‘rsatib o‘tilgan sport musobaqalarida o‘quvchi-sportchi tomonidan erishilgan natija (I — III o‘rinlar) sanasidan keyingi oy boshidan e’tiboran belgilanadi va ushbu darajadagi keyingi xalqaro sport musobaqalari (keyingi Olimpiya o‘yinlari, jahon chempionatlari va shu kabilar) o‘tkazilgungacha saqlanib qoladi;
(13-bandning uchinchi xatboshisi O‘zbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — O‘R QHT, 2016-y., 43-son, 499-modda)
Oldingi tahrirga qarang.
O‘zbekiston Respublikasi chempionatlari va kuboklari sovrindorlarini tayyorlaganlik uchun — ko‘rsatib o‘tilgan sport musobaqalarida o‘quvchi-sportchi tomonidan erishilgan natija (I – III o‘rinlar) sanasidan keyingi oy boshidan e’tiboran belgilanadi va shu kabi keyingi O‘zbekiston Respublikasi chempionatlari va kuboklari o‘tkazilgungacha saqlanib qoladi, biroq bir yildan ko‘p bo‘lmagan davrga.
(13-bandning to‘rtinchi xatboshisi O‘zbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — O‘R QHT, 2016-y., 43-son, 499-modda)
Oldingi tahrirga qarang.
14. Agar sport maktabining trener-o‘qituvchisi mehnatiga haq to‘lash normativining belgilangan miqdori amal qiladigan davrda uning rahbarligida sport tayyorgarligidan o‘tayotgan o‘quvchi-sportchi sportdagi natijasini yaxshilasa (masalan, O‘zbekiston Respublikasi sport terma jamoasining asosiy tarkibi a’zosi Osiyo o‘yinlari sovrindori bo‘lsa), u holda trener-o‘qituvchining mehnatiga haq to‘lash normativi miqdori, o‘quvchi-sportchi yutuqlarini hisobga olgan holda eng yuqori ko‘rsatkich bo‘yicha tegishli ravishda qayta ko‘rib chiqiladi va uning yangidan hisoblab chiqilgan amal qilish muddati belgilanadi.
(14-band O‘zbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — O‘R QHT, 2016-y., 43-son, 499-modda)
15. Agar sport maktabining trener-o‘qituvchisi mehnatiga haq to‘lashning belgilangan normativi amal qiladigan davrda uning rahbarligida sport tayyorgarligidan o‘tayotgan o‘quvchi-sportchi mazkur trenerning o‘quv guruhi tarkibidan chiqib ketsa (boshqa trener-o‘qituvchi rahbarligidagi boshqa o‘quv guruhiga, boshqa sport-ta’lim muassasasiga o‘tkazilsa va shu kabi holatlarda), u holda trener-o‘qituvchi mehnatiga haq to‘lash normativi miqdori:
Oldingi tahrirga qarang.
O‘zbekiston Respublikasi sport terma jamoasining asosiy tarkibiga sportchilar (stajyorlar) tayyorlaganlik uchun o‘quvchi-sportchi trener-o‘qituvchining o‘quv guruhi tarkibidan rasman chiqib ketgan sanadan keyingi oy boshidan e’tiboran kamayish tomoniga qayta ko‘rib chiqiladi;
(15-bandning ikkinchi xatboshisi O‘zbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — O‘R QHT, 2016-y., 43-son, 499-modda)
Olimpiya va Osiyo o‘yinlari, jahon, Osiyo chempionatlari va kuboklari, O‘zbekiston Respublikasi chempionatlari va kuboklari sovrindorlarini tayyorlaganlik uchun ushbu Nizomning 13-bandida ko‘rsatilgan muddat mobaynida saqlanib qoladi.
16. O‘quv guruhiga yil mobaynida boshqa trener-o‘qituvchi rahbarligida yuqori sport natijalariga erishgan o‘quvchi-sportchi o‘tkazilgan sport maktabining trener-o‘qituvchisi mehnatiga haq to‘lash normativi miqdori:
Oldingi tahrirga qarang.
O‘zbekiston Respublikasi sport terma jamoasining asosiy tarkibiga sportchilar (stajyorlar) tayyorlaganlik uchun o‘quvchi-sportchi mazkur trener-o‘qituvchining o‘quv guruhi tarkibiga rasman qabul qilingan sanadan keyingi oy boshidan e’tiboran belgilanadi;
(16-bandning ikkinchi xatboshisi O‘zbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — O‘R QHT, 2016-y., 43-son, 499-modda)
Olimpiya va Osiyo o‘yinlari, jahon, Osiyo va O‘zbekiston Respublikasi chempionatlari va kuboklari sovrindorlarini tayyorlaganlik uchun o‘quvchi-sportchi mazkur trener-o‘qituvchi rahbarligida ko‘rsatib o‘tilgan musobaqalarda mazkur natijaga (I — III o‘rinlar) takroran erishgungacha belgilanmaydi.
17. Sport maktablarida o‘quv guruhlarini tayyorlash uchun zarur bo‘lgan o‘quv-mashq ishlari soatlari hajmlari (o‘quv-mashq ishlari rejimi) quyidagi miqdorlarda belgilanadi: