Namangan davlat universiteti filologiya fakulteti

 
 
 
 

---

8 
I BOB. MUQIMIY – QO’QON ADABIY MUHITINING YIRIK VAKILI 
 
1. 1. Yurtboshimiz I. A. Karimovning adabiyot haqidagi fikrlari. 
 
Badiiy adabiyot insonning ma’naviy olamini boyitadi, ruhiyatini 
tarbiyalaydi, qalbimiz va ongimizda odamiylik hislarini parvarishlaydi. Badiiy 
adabiyotning asosiy quroli badiiy so’zdir. O’zi ko’zga ham ko’rinmaydigan so’z 
yordamida nafaqat atrofdagi narsa-hodisalarni, balki boshdagi o’ylar, ko’ngildagi 
sezimlarga qadar ifodalash mumkin. Insonning o’y-xayollari, istag-u armonlari 
badiiy adabiyotda to’la aks etadi. Muhtaram Prezidentimiz Islom Karimovning 
“
Ma’naviyatni tushunish, anglash uchun avvalo, insonni tushunish, anglash 
kerak
”,
11
degan so’zlari alohida ahamiyat kasb etadi. Chunki adabiyotning asosiy 
tasvir obyekti – inson. 
O’zbek millatining qon-qoniga adabiyotga oshuftalik hissi singib ketgan. 
Ona zaminimizda yaratilgan ko’plab asarlar jahon adabiyoti durdonalari safidan 
mustahkam o’rin egallab ulgurgan. O’zbek adabiyotiga qiziqish chet el olimlari 
tomonidan ko’plab ilmiy tadqiqotlarning yaratilishiga sabab bo’lgan. 
Yurtboshimiz mustaqilligimizning dastlabki kunlaridan boshlab adabiyot 
ahliga har tomonlama yordam ko’rsatish, ijod erkinligini ta’minlash, badiiy 
adabiyotlar nashrini ko’paytirish borasida O’zbekiston hech qaysi davlatdan ortda 
qolmasligi masalasiga alohida e’tibor qaratmoqda. Eng muhimi, milliy 
adabiyotimizning ertangi kuni, uning kelajakdagi rivoji ma’naviyat sohasidagi 
ustuvor vazifa ekanini alohida uqtirmoqda.
“
Agar biz O‘zbekistonimizni dunyoga tarannum etmoqchi, uning qadimiy 
tarixi va yorug’ kelajagini ulug’lamoqchi, uni avlodlar xotirasida boqiy 
saqlamoqchi bo’lsak, avvalambor, buyuk yozuvchilarni, buyuk shoirlarni, buyuk 
ijodkorlarni tarbiyalashimiz kerak. Zero, ulug’ adib Cho’lpon aytganidek, 
adabiyot yashasa – millat yashaydi
”
12
.
 
11