Namangan davlat universiteti b. T. Ataxanov, M. B. Isabayev fuqarolik jamiyati fanidan

TEOLOGIK PARADIGMA
— siyosiy fikr paradigmalaridan biri. T.p. davlat 
hokimiyatini ilohiy deb biladi va uning manbaini ilohiy iroda va diniy kitoblarda ko‗radi. 
TERROR
(lot. qo‗rquv, daxshat) — qo‗rqitish siyosati, siyosatda zo‗ravonlik. 
TERRORISTIK HARAKAT
— konstitutsion tuzum asoslariga, davlat 
xavfsizligiga qarshi qaratilgan jinoyat. 
TERRORIZM 
(lot. 
terror
- qo‗rqinch, dahshat) — siyosiy raqiblarni, muxoliflarni 
yo‗qotish yoki qo‗rqitish, aholi o‗rtasida vahima va tartibsizliklar keltirib chiqarish 
maqsadidagi zo‗ravonlik harakatlari (ta‘qib qilish, buzish, garovga olish, qotillik, 
portlatish va boshqalar). T. yakka tartibdagi va guruhli T. (mas., ekstremistik siyosiy 
to‗dalarning harakatlari kabi) toifalarga bo‗linadi. Siyosatshunoslikda davlat T.i 
tushunchasi ham qo‗llanadi (diktatorlik va totalitar rejimlarning repressiyalari). T. o‗rta 
asrlardan boshlab barcha mintaqa va mamlakatlarda uchrab to‗rgan. Lekin o‗tgan asrning 
oxirlaridan uning yangi ko‗rinishlari vujudga keldi (chet el davlatlari va hukumatlari 
rahbarlarini, ularning diplomatik vakillarini o‗ldirish yoki o‗g‗irlash, elchixonalar, 
missiyalar, xalqaro tashkilotlarning binolarini portlatish, aeroportlar va vokzallarda 
portlashlar sodir etish, havo kemalarini olib qochish, odamlarni garovga olish va hokazo). 
Xalqaro T. keng tarqalib, T. oshkora siyosiy tus ola boshladi. Terrorchilar ayrim 
mamlakatlar hukumati va unga yaqin tuzilmalardan madad oladigan hollar yuzaga keldi. 
TEST
(ing. sinov, tadqiqot) — to‗g‗ridan-to‗g‗ri kuzatib bo‗lmaydigan murakkab 
xususiyatlarni va sifatlarni o‗rganish, o‗lchash usuli, texnikasi. Avval psixologiyada 
ishlab chiqilgan. 
TEXNOKRATIK NAZARIYA
— mazkur nazariya XX asrning 20-yillarida 
vujudga kelib, 60-70-yillarda ancha keng tarqaldi. Uning tarafdorlari orasida T.Veblen, 
D.Barnxeym, G.Saymon, D.Bell va boshqalar bor edi. Umuman ushbu nazariya elitar 
nazariyasiga juda o‗xshab ketsa-da, zamonaviy voqelikni hisobga olishi bilan ajralib 
turadi. Bu nazariyaga ko‗ra, jamiyatni mutaxassis boshqaruvchilar, menejerlar idora 
etishlari lozim (ko‗pincha amalda ham shular boshqaradilar). Aynan ular jamiyatning 
haqiqiy ehtiyojlarini, uning eng maqbul rivojlanish yo‗llarini, buning uchun zarur 
vositalarni aniqlashga qodir. Bu boshqarishni ilmiy asosda olib borish imkonini beradi 
hamda jamiyatning ildam rivojlanishini ta'minlaydi. Mazkur ta‘limot g‗oyalaridan 
nafaqat davlatning mohiyati balki uning boshqa jihatlariga tegishli bo‗lgan boshqa 
nazariyalarda ham foydalanilmoqda.