Namangan davlat universiteti b. T. Ataxanov, M. B. Isabayev fuqarolik jamiyati fanidan

SIYOSIY REAKSIYA
— o‗z umrini yashab bo‗layotgan ijtimoiy-siyosiy 
tartiblarga faol qarshilik ko‗rsatish. S.r. inqilobiy, demokratik va milliy-ozodlik 
harakatiga qarshi kurashda, demokratik huquq va erkinliklarni bostirishda, progressiv 
siyosiy va ijtimoiy tashkilotlarni, uning arboblarini ta‘qib etishda, ommaviy terror va 
zo‗ravonlikda, irqiy va milliy kamsitishda, agressiv tashqi siyosatda namoyon bo‗ladi. 
Reaksiyaning mutloqlashgan shakli fashizmdir. 
SIYOSIY REALIZM
— siyosiy sohadagi harakat bo‗lib, u vaziyatni, kuchlar 
nisbatini, o‗z oldiga qo‗ygan maqsadiga erishishda, belgilangan dasturni amalga 
oshirishda muvaffaqiyatlarga olib keladigan rivojlanish tendensiyasini ob‘ektiv tahlil 
qilishga asoslangan. S.r. xalqaro munosabatlarda mavjud muammolarning tinch-totuv 
yashash tamoyili asosida o‗zaro maqbul yechimini topishga intilishini barcha 
tomonlardan talab qiladi. 
SIYOSIY MINTAQVIYISTIKA 
— mintaqalarning ijtimoiy-siyosiy tashkil etish 
va rivojlanish qonuniyatlarini o‗rganadigan fan sohasidir. S.r. XX asrning 90-yillariga 
kelib mustaqil tarmoq sifatida tashkil topdi. 
SIYOSIY REJIM 
(lot. boshqarish) — tartib, davlat tizimi, boshqaruv tartibi. 
Muayyan davlat va jamiyatda siyosiy hokimiyatning real taqsimlanishini aks ettiruvchi 
politologiya kategoriyasi. U muayyan bir jamiyatda muayyan bir vaqtda mavjud siyosiy 
hokimiyat qiyofasini aks ettiradi. Agar ―boshqaruv shakli‖ kategoriyasi davlatning 
konstitutsiya va qonunlarda aks etgan belgilarga asoslanib, asosan siyosiy hayotning 
rasmiy-huquqiy tomonini yoritadi va nisbatan statik tushuncha bo‗lsa, ―siyosiy rejim‖ 
ushbu jamiyatda siyosiy hokimiyat amalda kimga tegishliligi, u qanday vositalar bilan 
amalga oshirilishi, davlat va fuqarolik jamiyati unda qay tarzda o‗zaro ta‘sir etishi, shaxs, 
ijtimoiy guruhlar huquq va erkinliklar ko‗lami va ularni amalga oshirish imkoniyatlari 
to‗g‗risidagi savollarga, masalalarga oydinlik kiritadi. Boshqacha qilib aytganda, siyosiy 
rejim - bu davlat tartibi bo‗lib, u davlat va fuqarolik jamiyati o‗zaro munosabatlari, davlat 
hokimiyatining, jamiyat hayotining boshqa sohalariga ―kirib‖ borish darajasini aks 
ettiradi. Demokratik, avtoritar, totalitar siyosiy rejim turlari ajratiladi.