Naftion kislota (natriyli tuzi)

Fenollarning sifat analizi.

1. 
   Fenollarning FeCl₃ bilan ta’siri.
   

a) Tajriba: Probirkaga 2-3 dona fenolning kristalidan solib 2-3 ml suvda eritiladi, shundan song 1-2 tomchi 3% li FeCl₃ eritmasidan qo’shiladi. Bu reaksiya uchun harakterli bo’lgan binafsha rang hosil bo’ladi. Reaksiya tenglamasini yozing.
b) Tajriba: 3 ta probirkaga 2-3 ml dan suyultirilgan pirokatexin, rezorsin, gidrohinon eritmalaridan solib, 1-2 tomchi 3% li FeCl₃ eritmasidan qo’shiladi. Ularga mos holda yashil, binafsha va sariq ranglar hosil bo’ladi.
Gidroxinon bilan boradigan reaksiyani yana quyidagicha o’tkazish mumkin: probirkaga yetarlicha konsentrlangan gidroxinon eritmasi tayyorlanib, qaynoq holatgacha qizdiriladi va 2-3 tomchi 3 % li FeCl₃ eritmasidan qo’shiladi. Bunda aralashma qizil rangga kiradi. Sovutilgan eritmadan bir qancha vaqtdan keyin gidroxinon uzun ignachalar ko’rinishida cho’kmaga tushadi. Reaksiya tenglamasini yozing.

2. 
   Bromli suv bilan reaksiyasi
   

Fenol, α- va ß-naftollarni 1 ml dan suvli eritmalari tayyorlanib, har bir eritmaga doimiy silkitilgan holda 1 ml dan bromli suv qo’shiladi. Hosil bo’lgan cho’kmaga bromli suvdan ortiqcha miqdorda qo’shilib yuz beradigan o’zgarish kuzatiladi. Reaksiya tenglamasini yozing.


3. Fenollarning diazobirikmalar bilan ta’siri.
Fenolning bir nechta kristallchasini 1,5 ml 15 %li NaOH eritmasida eritilib filtr qog’ozga shisha tayoqcha yordamida eritmasidan va p-diazo benzolsufokislotadan hosil bo’ladigan dog’lar bir biri bilan tutashadigan qilib tomiziladi.Tutashgan joyda hosil bo’lgan rangga qarab fenol mavjudligi aniqlanadi. p-diazobezol sulfa kislotasi eritmasini tayyorlash uchun 5 ml suvdagi 0,1 gr sulfanil kislotaga doimiy chayqatilgan holda 0,5 ml 10 % li NaNO₂ eritmasidan quyiladi.