N. X. Ermatov, D. G‘. Azizova, N. M. Avlayarova, B. Yu. Nomozov, R. S. Bekjonov, A. I. Abdirazakov

GERMETIZATSIYALASHGAN YIG'ISH TIZIMI - bu tizimda mahsulot miqdori avtomatik qurilmalar yordamida o'lchanadi. Quduq mahsuloti Sputnik turidagi o'lchash qurilmalariga uzatiladi. Bu qurilmada quduqdan
uzatilayotgan suyuqlik hajmini davriy o'lchash ishlari o'tkaziladi, suv va suyuqlikni foiz miqdori va erkin gaz miqdori aniqlanadi.
YO'NALTIRUVCHI QUVURLAR - quduqdan birinchi guruh o'lchagich qurilmalarigacha bo' lgan masofada ishlatiladi.
YIG'UVCHI QUVURLAR - birinchi guruh o'lchagich qurilmalaridan neftni yig'ish va tayyorlash qurilmalarigacha bo'lgan masofada ishlatiladi.
TAZYIQLI QUVURLAR - unda mahsulot quvurni to'liq to'ldirib oqadi, o'rta, yuqori va kuchli bosimli quvurlar tazyiqli quvurlar deyiladi.
TAZYIQSIZ QUVURLAR - unda mahsulot quvur ichi to'liq bo'lmagan holda oqishi mumkin. Past bosimli quvurlar tazyiqsiz quvurlar deb ataladi.
ODDIY QUVURLAR - bir xil diametrga ega bo'lib, unga boshqa quvurlar ulanmagan bo'ladi.
MURAKKAB QUVURLAR - diametri har xil bo'lishi hamda quvurlarga boshqa quvurlar ulangan bo'lishi mumkin.
GIDRATLAR - rangi sarg'ish bo'lib, ko'rinishidan qorga o'xshaydi. Gidratlar gaz yig'ish quvurlarida ham yuqori, ham past haroratlarda hosil bo'lishi mumkin. Ba‘zi uglevodorodlar uchun gidratlar quyidagi kimyoviy formulalar ko'rinishida bo'ladi:
Metan: CH₄ • 5,75H₂O Etan: C₂H₆ • 5,75H₂O
Propan: C₃H₈ • 6H₂O Butan: C₄ H₁₀ • 7H₂ O
ETILMERKAPTAN C2H5SN - barcha qo'shimchalardan tozalangan gazni hidlantirish uchun ishlatiladi. Hidlantirish jarayoni «barbotash» apparatida sodir etilib, 1000m³ gazga 16 gr etilmerkaptan qo'shiladi. Tozalangan gaz bosh inshootda joylashgan bosh kompressor yordamida magistral gaz quvuriga haydaladi.