N. X. Ermatov, D. G‘. Azizova, N. M. Avlayarova, B. Yu. Nomozov, R. S. Bekjonov, A. I. Abdirazakov

NEFTNI TUZSIZLANTIRISH - neft qudug‘i mahsulotlaridan xlorli tuzlarni chetlashtirish jarayoni.
PAST HARORATLI REZERVUAR, IDISH - atrof muhit haroratidan (­4⁰C) past holatda, suyultirilgan uglevodorod va tabiiy gazlarni saqlash uchun mo‘ljallangan idish - rezervuar.
TINDIRGICH - suyuqliklarni mexanik aralashmalardan tozalash uchun mo‘ljallangan hovuz yoki rezervuar (idish). Tindirgichda suyuqlik oqimining tezligi kamaytiriladi yoki butunlay to‘xtatib qo‘yiladi. Natijada suyuqlikdagi aralashmalar o‘z og‘irlik kuchi ta'sirida idish tagiga cho‘kadi yoki suyuqlik sirtiga qalqib chiqadi. Idish tubida to‘plangan har xil zarrachalar cho‘kma hosil qiladi. Cho‘kma va qalqib chiqqan qatlamning to‘planishi sedimentatsiya (cho‘kish) qonuniyati asosida aniqlanadi. Tindirgich suvni tozalash uchun ham qo‘llaniladi. Suzgich bilan ta'minlangan burg‘ quduqlarida suzgich tagiga o‘rnatiladigan, burg‘ qudug‘idan suv chiqarishda suv bilan chiqib ketadigan tog‘ jinsi zarrachalari cho‘kadigan tagi berk quvur ham tinitgich deb yuritiladi.
SUVNI TOZALASH - suv sifatini sanitariya talabiga yaroqli darajada tozalash. Tozalash tindirish, filtilash, yumshatish, zararsizlantirish, chuchuklashtirish, tuzsizlantirish yo‘li bilan amalga oshiriladi.
GAZNI TOZALASH - atrof muhitni ifloslantiruvchi zararli moddalardan va gazdan yonilg'i sifatida foydalanishda ajralib chiqadigan har xil komponentlardan tozalash jarayoni. Ayrim hollarda gazni tozalash jarayonida har xil foydali komponentlar ham ajratib olish mumkin.
OKSIDLANGAN NEFTLAR - bug‘lanish, oksidlanish, polimerizatsiyalanish, aerob va anaerob sharoitdagi bakteriyalar ta'sirida gipergen o‘zgargan neftlar.
OPERATOR - murakkab dastgohlarni boshqaruvchi ixtisosli ishchi.
ZICHLIK - tog' jinslari, moddalar, minerallar zichligi, ya'ni fizik xossalari bo'lib, massini hajmiga bo'lgan nisbatini ifodalaydi; g/sm³ da belgilanadi.
SUVNING ZICHLIGI - suvning hajm birliklaridagi massasi. Masalan, 1 m³ (t=4^oCda) suv bir tonnaga teng zichlik og'irlik o'lchoviga ega bo'lganligi bilan solishtirma og'irlikdan farq qiladi. Solishtirma og'irlik umumiy kattalik hisoblanadi.