N. X. Ermatov, D. G‘. Azizova, N. M. Avlayarova, B. Yu. Nomozov, R. S. Bekjonov, A. I. Abdirazakov

UGLEVODORODLI GAZLAR - tarkibida 50% dan ortiqroq har xil uglevodorod birikmalari bo‘lgan gazlar majmui.
SOLISHTIRMA OG'IRLIK - 1 sm³ moddaning gramlarda ifodalangan solishtirma og‘irligi. U g/sm ifodalanadi.
SOLISHTIRMA HAJM - modda egallagan hajmning shu modda massasi nisbatiga teng V kattalik; V=dV/dm, bunda dm-kichik hajm dv ga to‘ldirilgan moddaning massasi. Solishtirma hajm zichligi p ga teskari kattalik: V=1/r. solishtirma hajm birligi m³/kg da o‘lchanadi.
SUYUQLIKNING SOLISHTIRMA SARFI - suyuqlik oqimining 1 m kengligiga to‘g‘ri keladigan o‘rtacha suyuqlik sarfi.
KONNI ISHLASH LOYIHASI - konni ishlash va ishlatish usullarini, shu konni jixozlash loyihasi uchun kerak bo'ladigan hamma asosiy ma‘lumotlarni va asosiy texnologik ko'rsatkichlarni o'z ishiga olgan bo'lishi kerak. Loyihalash tashkilotlari tomonidan ishlash loyihasiga muvofiq ravishda konni jixozlash loyihasi xam tuziladi.
KONNI JIHOZLASH LOYIHASI - neft, gaz va qatlam suvini yig'ishni, neftni transport qilishga tayyorlaydigan turli xil texnologik uskunalarni oqilona joylashtirishni, loyiha bo'yicha qatlamga suv haydash nazarda tutilgan hollarda suvni tayyorlash tizimini o'z ishiga oladi.
KONDA NEFT VA GAZNI YIG'ISH TIZIMI - quduqdan to neft yoki gazni tayyorlash qurilmalarigacha bo'lgan quvurlar, o'lchov asboblari va yig'ish punktlarini o'z ichiga oladi.
GAZ EJEKTORI - quvurlarni tejash va ortiqcha bosimlardan foydalanish uchun foydalaniladi. Gaz ejektori baland va past bosimli gazlar uchun mo'ljallangan kameralardan, soplodan, aralashish kamerasidan va diffuzordan tashkil topgan. Gaz ejektori bir vaqtda turli bosimli gaz qatlamlarini aloxida- aloxida ishlatishda ham qo'l keladi.
METANOLLI QURILMALAR - gaz quvurlarida gidrat hosil bo'lishini oldini olish va hosil bo'lgan gidrat tiqinlarini bartaraf qilish uchun o'rnatiladi.
MAXSUS HID BERUVCHI MOSLAMALAR - qurilma va quvurlarda yo'qotilish yuz berganda darhol bilish uchun qo'llaniladi.