N. X. Ermatov, D. G‘. Azizova, N. M. Avlayarova, B. Yu. Nomozov, R. S. Bekjonov, A. I. Abdirazakov

ADSORBSION NASOS - so‘rib olinadigan gazning gaz yutuvchi moddalar (selolit, silikagel, aktiv ko‘mir) sirtida adsorbtsiyalanishiga asoslanib ishlaydigan vakuum nasos.
NASOS STANTSIYASI - suyuqliklarni bosim ostida haydaydigan inshoat, mashina va qurilmalar majmui. Nasos stantsiyasi suv olish qurilmasi, boshqarish apparatlari, so‘rish quvurlari, nasoslar, dvigatellar, bosim quvur-yuritma va to‘ldiruvchi jihozlardan tashkil topgan. Qishloq xo‘jaligida sug‘orish uchun ko‘chma (o‘ziyurar, tirkama, osma) nasosli stantsiyalar ishlatiladi.
NEFT BAZASI - neft mahsulotlarini qabul qilish, saqlash, bir transport vositasidan boshqasiga ortish, neft mahsulotlarini taqsimlash va tarqatishga mo‘ljallangan kompleks qurilma.
NEFT VA GAZ ARALASHMALARI - ko‘p komponentli uglevodorodlar sistemasi; u asosan parafinli, naftenli, aromatik uglevodorodlardan va shuningdek azod oksidi, vodorod sulfidi, oltingugurt, kislorod, simob va suv parlaridan iborat.
NEFT IDISHI - neftni yig‘ish va turboprovodlar orqali taqsimlash uchun xizmat qiladigan katta idish.
NEFT NASOSI - neftni kondan quduqlar orqali chiqarib berishga mo‘ljallangan nasos. Bu nasos boshqa nasoslardan elementlarining ancha uzunligi bilan farq qiladi. Eng ko‘p tarqalganlari tebranma dastgohlar bilan harakatlantiriladigan shtangali nasoslar va elektr yuritmalar bilan harakatlantiriladigan ko‘p bosqichli markazdan qochma nasoslardir. Bu nasoslarning barchasi chuqurlikda ishlaydi.
NEFT OMBOR - neftni saqlashga mo‘ljallangan yer tagi ombori.
METAN - NAFTENLI NEFTLAR - neftning distillat qismi tarkibida yaqin miqdordagi metanli va naftenli uglevodorodlarning bo‘lishi. Bu neftda aromatik uglevodorodlarning miqdori deyarli oz bo‘ladi. Bu neft tarkibida metanli neftga nisbatan qattiq parafinning oz miqdorda bo‘lishi xarakterlidir.
METANLI NEFTLAR - neftning distillat qismi tarkibida metanli uglevodorodlarning ko‘proq bo‘lishi. Metanli neft tarkibiga metan uglevodorodlari 50% dan ortiqroq bo‘lgan neftlar kiradi. Metanli neftlar tarkibida asfalt- smolasimon moddalarning oz miqdorda bo‘lishi bilan xarakterlanadi.