N. Rahmatullayeva A. Kamalov ijtimoiy menejment

9-BOB. IJTIMOIY MENEJMENT TIZIMI

9.1. Ijtimoiy menejment mexanizmlari.
9.2. Boshqaruv funksiyalari.
9.3. Boshqaruv tuzilmasi.
9.4. Boshqaruv kadrlarining guruhlarga bo„linishi.

9.1. Ijtimoiy menejment mexanizmlari

Ijtimoiy menejment mohiyati uning tizimi tuzilmasini aniqlaydi. U quyidagilardan iborat: boshqaruv subyektlari, boshqaruv obyektlari, boshqaruv jarayoni va boshqaruv tizimi mexanizmlari. Boshqaruv subyektlariga aholi, hokimiyat organlari, mahalliy o‗z-o‗zini boshqarish organlari, jamiyatning fuqarolik institutlari, menejment instituti kiradi. Boshqaruv obyektlariga esa ijtimoiy jarayonlar, ijtimoiy soha, ijtimoiy resurslar kiradi.

Ijtimoiy menejment mexanizmlari ijtimoiy maqsadlilik, boshqaruv uslublari (iqtisodiy, ma‘muriy-tashkiliy, yuridik, ilmiy va b.)ga yo‗naltirilgan. Ular orasida butun boshqaruv ta‘sirlari tizimida birlashtiruvchi bo‗lgan ijtimoiyliklar alohida ajratiladi. Ularga mehnatga munosabat, inson xulq-atvori bo‗yicha chora-tadbirlar yig‗indisi kiradi. Boshqaruv jarayoni va ijtimoiy menejment tizimi mexanizmi ijtimoiy tashxis, axborotni yig‗ish, tahlil qilish va saqlash, ularni boshqaruv subyektlariga uzatish va boshqaruvning turli darajalarida ijtimoiy me‘yorlar bo‗yicha boshqaruv subyektlari faoliyatini nazorat qilishni amalga oshirish uslublaridan iborat.
Ijtimoiy maqsadlarni yanada samaraliroq amalga oshirish va ijtimoiy menejment tamoyillarini amalga oshirish uchun quyidagi ilmiy uslublarni qo‗llash muhim:

162

• 
  Ijtimoiy loyihalashtirish va dasturlash.
  

• 
  Zamonaviy hisoblash vositalari, birinchi navbatda, kompyuter texnikasi asosida ijtimoiy axborotni yig‗ish va tahlil qilish, ularni qayta ishlash va saqlashda matematik uslublardan foydalanish.
  

• 
  Odamlarni mehnatga, hayotga, maqsadga muvofiq xulq-atvorga jamiyatga rag‗batlantirishni yaratish.
  

• 
  Shaxsning, shuningdek, menejerlarning hayot kuchini faollashtirishga mo‗ljallangan psixologik ta‘sir (maxsus treninglar va o‗yin uslublari).
  

• 
  Ijtimoiy boshqaruvning kundalik va istiqboldagi muammolariga yaroqli fundamental fanlar, kibernetika, sinergetika va boshqa sohalarda, tadqiqotlarda olingan bilimlardan foydalanish.
  

Ijtimoiy menejment tizimi doirasida yechiladigan muammolar majmuyiga faqatgina tizimli yondashuv, uning nazariyasi va amaliyotini bugungi kunda ijtimoiy boshqaruv oldida turgan vazifalar darajasiga ko‗tara oladi. Aynan shuning uchun ham ijtimoiy menejment sohasidagi bo‗lajak mutaxassislar har bir o‗rganilayotgan fanda muammoni hal qilish va uni yechish uslublarini qidirishning ijtimoiy jihatlarini qidirishlari kerak.