N. Rahmatullayeva A. Kamalov ijtimoiy menejment

Qisqa xulosalar

Ijtimoiy menejment ilmiy usullarining mohiyati. Ularning o‗zaro aloqasi va ustivor yo‗nalishlari. Ilmiy uslublarning kuchi shundan iboratki, ular tahlil hajmi to‗g‗risida ishonchli ma‘lumot olishga imkon

159

beradi, bilimlarni ishonchli tekshirishni ta‘minlaydi, obyektning kelajakdagi holatini bashorat qilishga imkon beradi, ta‘sir qilish vositalarini ko‗rsatadi. Ular ijtimoiy sohada qarorlar qabul qilish jarayonini maqbullashtirishi mumkin.

Modellashtirish, bashorat qilish, ekspert baholash kabi ilmiy uslublar ko‗p asrlik tarixga ega. Lekin boshqaruvning zamonaviy instrumentariysini ilmiy-texnik inqilob, uning davrlik natijalari bilan bog‗lashga yetarlicha asos bor.
Kibernetik modellashtirish boshqaruvni maqbullashtirish keng imkoniyatlarini ochib beradi. Yirik olimlar hisobicha, kibernetik yondashuvning xarakterli jihati bo‗lib, murakkab obyektlar asosiy parametlarini o‗rganish maqsadida ularni soddalashtirish va shu asosida ularning chuqur mohiyatini ochish hisoblanadi. Zamonaviy ilm-fan va texnika insonni rad etmay va uni almashtirmay, ijtimoiy jarayonlarni boshqarishda katta rol o‗ynaydi. Davriy fan-texnika yutuqlari boshqaruvni maqbullashtirish, boshqaruv muammolarini yechish jarayonlarini muvofiqlashtirishda yangi imkoniyatlarni ochadi. Tabiiyki, bu imkoniyatlar ijtimoiy munosabatlar xarakteriga bog‗liq holda turlicha amalga oshiriladi. Ijtimoiy loyihalashtirish, bashoratlash, axborot tahlili tizimlaridan to‗liq foydalanishda zamonaviy ijtimoiy menejmentning zarurati katta. Ijtimoiy menejmentda o‗z-o‗zini boshqarish, o‗z-o‗zini nazorat qilish va ilmiy usullarning o‗zaro mosligi yuqori.