N. M. Mahmudov, A. Nurmonov, A. Sh. Sobirov

3-topshiriq.
 
Ikki  guruhga  bo‘lining.  «Topqirlar»  guruhi  ko‘chirma 
gapli  qo‘shma  gap  aytsin,    «Zukkolar»  guruhi  bu  gaplarni  o‘zlashtirma 
gapga  aylantirsin.  Qaysi  guruh  to‘xtab  qolsa,  o‘sha  guruh  yutqizgan 
hisoblanadi.
4-topshiriq. 
Uyga vazifa.
  Ko‘chirma  gapli  qo‘shma  gapga  to‘rtta 
misol  yozing  va  ularni  o‘zlashtirma  gaplarga  aylantiring.
45-dars. MATN VA LUG‘AT USTIDA ISHLASH 
196-mashq.
  Matnni  o‘qing,  undagi  g‘oya  to‘g‘risida  bahslashing. 
Ko‘chirma  gaplar  va  ularda  tinish  belgilarining  ishlatilishiga  diqqat 
qiling.
Bahromshohning  uchta  o‘g‘li  bor  ekan.  U  tirikligida 
farzandlaridan  birini  taxtga  o‘tqazib,  xotirjam  bo‘lmoqchi  bo‘libdi 
va  ularga  sinash  uchun  shunday  debdi: 
–  O‘g‘illarim,  menga  dunyoda  eng  kuchli,  o‘ta  shirin  va  eng 
yoqimli  lazzatbaxsh  narsani  topib  keltiringlar.
Yigitlar  o‘sha  narsani  izlab  yo‘lga  tushishibdi.  Biri  may,  biri 
asal  olib  kelibdi.  Kenjasi  esa  til  keltiribdi. 
Shoh  sukut  saqlab  hammasini  qabul  qilib  olibdi  va  debdi: 
–  Endi  menga  tig‘dan  o‘tkir,  zahardan  kuchli,  eng  achchiq  va 
ziyonli  narsani  olib  kelinglar.
Hamma  tarqalib  ketibdi.  Kenjasi  yana  til  keltiribdi. 
Bahrom  shoh  kenja  o‘g‘lini  taxtga  loyiq  deb  topibdi.  Chunki 
dunyoda  tildan  kuchli  narsa  yo‘q.  (H. Rahmatullayev. «Otamning 
rivoyatlari» kitobidan) 
197-mashq. 
Berilgan  so‘zlarning  ma’nolariga  diqqat  qiling.  Ulardan 
foydalanib, 
«Otalar  so‘zi 
–
  aqlning  ko‘zi»
  mavzusida  savol-javob  qiling. 
Unda  ko‘chirma  gaplardan  foydalaning.