N. M. Mahmudov, A. Nurmonov, A. Sh. Sobirov

---

N.M. MAHMUDOV, A. NURMONOV, 
A.SH. SOBIROV
UMUMIY    O‘RTА    TA’LIM    МAKTABLARINING
9-SINFI    UCHUN    DARSLIK
O‘zbekiston Respublikasi Xalq ta’limi vazirligi tomonidan nashrga 
tavsiya etilgan, qayta ishlangan va to‘ldirilgan 4-nashri
TOSHKENT 
«TASVIR»  NASHRIYOT  UYI 
2019
ONA TILI
http://eduportal.uz

---

UO‘K:  811.512.133(075.3) 
KBK    81.2  O‘zb-922
        М  37
SHARTLI BELGILAR
     –  savollar va topshiriqlar
 –  esda saqlang
 ! 
–    eslab  qoling
 
 –  iqtidorli o‘quvchilar uchun 
Respublika  maqsadli  kitob  jamg‘armasi  mablag‘lari  hisobidan 
ijara  uchun  chop  etildi.
Ushbu  nashrga  doir  barcha  huquqlar  muhofaza  qilinadi  va 
nashriyotga  tegishlidir.  Undagi  matn  va  rasmlarni  nashriyot 
roziligisiz  to‘liq  yoki  qisman  ko‘chirib  bosish  taqiqlanadi.
ISBN  978-9943-5797-0-5
© 
N.M.  Mahmudov  va  boshq., 
2010,  2014,  2019
 
©  «TASVIR»  NASHRIYOT  UYI,  2010,  2014,  2019
http://eduportal.uz

---

3
KIRISH
 
Aziz  o‘quvchilar! 
Shu  kungacha  Sizlar  «Ona  tili»  fanining  fonetika,  leksikologiya, 
morfologiya,  sintaksis  bo‘limlari  bo‘yicha  izchil  ma’lumot  oldingiz.
Fonetika  bo‘limida  tovush  va  harf,  ularning  o‘zaro  munosabati, 
so‘z  tarkibida  yonma-yon  kelgan  tovushlarning  bir-biriga  ta’siri, 
talaffuzi  va  imlosi,  leksikologiya  bo‘limida  so‘zlarning  ma’nolari, 
bir  ma’noli  va  ko‘p  ma’noli  so‘zlar,  ma’nodosh,  shakldosh  va  zid 
ma’noli  so‘zlar,  iboralar,  morfologiya  bo‘limida  so‘zning  shakllari, 
so‘z  turkumlari,  sintaksis  bo‘limida  so‘zlarni  bir-biriga  to‘g‘ri 
bog‘lash  va  gap  tuzish  qoidalari  bilan  tanishdingiz.  Gaplarning 
tuzilishiga  ko‘ra  sodda  va  qo‘shma  gaplarga  bo‘linishi  haqida 
ma’lumot  oldingiz  va  sodda  gapning  o‘ziga  xos  xususiyatlari 
haqida  fikr  yuritdingiz.
IX  sinfda  sintaksisni  o‘rganishda  davom  etasiz.  Unda  sodda  gap 
bilan  qo‘shma  gapning  farqi,  qo‘shma  gap  qismlarini  bog‘lovchi 
vositalar,  qo‘shma  gapning  turlari,  bir  fikrni  qo‘shma  gapning  turli 
ko‘rinishlari  bilan  ifodalash  mumkinligi,  ularda  tinish  belgilarining 
ishlatilishi  bo‘yicha  bilimga  ega  bo‘lasiz.
Ona  tilimizning  keng  imkoniyatlarini  o‘rganishda  Sizga  omad 
yor  bo‘lsin!   
   
http://eduportal.uz

---

4