N. M. Mahmudov, A. Nurmonov, A. Sh. Sobirov

6-dars. MATN VA LUG‘AT USTIDA ISHLASH
Topshiriq. 
Matnni  ko‘chiring.  Qaysi  gap  bo‘laklari  uyushib 
kelayotganini  aniqlang.  Matndagi  g‘oyaga  o‘z  fikringizni  bildiring. 
 
Quyosh buloq suviga ham, mag‘zavaga ham baravar nur sochaveradi. 
Yer chuchmomani ham, chaqirtikanakni ham baravar o‘stiraveradi... 
Ota-onaga bolaning yaxshi-yomoni yo‘q... (O‘.Hoshimov)
19-mashq. 
Mustaqillik  bayramini  qanday  nishonlaganingizni 
o‘rtoqlaringizga  so‘zlab  bering. 
http://eduportal.uz

---

16
20-mashq. 
Quyidagi  so‘zlarni  lug‘at  daftaringizga  ko‘chiring.  Ular 
ishtirokida  gaplar  tuzing. 
IFTIXOR  1
  Shon-sharaf  hissi,  faxr.  2  Shon-sharaf  keltiruvchi, 
faxrlansa  arziydigan  ish. 
G‘URUR  1
  Insonning  o‘z  qadr-qimmatini  bilish,  uni  hurmat 
qilish  hissi;  izzat-nafs.  2  Faxrlanish,  mamnunlik  tuyg‘usi;  faxr, 
iftixor.  3  Faxrlanishga  asos  bo‘ladigan  kimsa,  narsa  va  shu  kabilar. 
4
  Kibrlanish  tuyg‘usi;  mag‘rurlik,  kibr-havo.
21-mashq. 
Rasm  asosida  «O‘zbekistonda  oltin  kuz»  mavzusida  matn 
tuzing.  Matnda  uyushiq  bo‘laklar  va  ajratilgan  bo‘laklardan  foydalaning.
22-mashq. 
Uyga vazifa.
  Gaplarni  ko‘chiring.  Ulardagi  undalma  va 
kirish  so‘zlarning  ma’nolarini  izohlang. 
1.  Axir,  oriyat  o‘zbekning  vijdoni  emasmi? 
(P.  Qodirov)        
2.  Ayol  kishiga,  avvalo,  ona  deb  qarasak,  hammasi  joy-joyiga 
tushadi. 
(O.  Yoqubov)  3.  Komila,  nihoyat,  tavakkaliga  bir  qovunni 
uzdi-da,  hidlab  olib  chiqdi. 
(Oybek)  4.  Umuman,  odam  bolasi 
tug‘ilibdiki,  nimanidir  himoya  qilib  yashaydi. 
(A.  Oripov)  5.  Kuchli 
shovqin  nafaqat  katta  yoshdagi  kishilar,  shuningdek,  o‘quvchilar 
faoliyatiga  ham  zarar  keltiradi. 
(M.  Saidov) 
http://eduportal.uz

---

17