N. M. Mahmudov, A. Nurmonov, A. Sh. Sobirov

 16-mashq. 
Undalmalarning  qo‘llanishiga  va  tinish  belgilarining 
ishlatilishiga  e’tibor  bering.  Navoiy  dahosi  deganda  nimani  tushunasiz? 
Shu  haqda  bahslashing.
1.  Ey  Navoiy,  eldan  bir  chaqa  ham  tama  qilma,  aksincha, 
o‘zing  elga  bersang,  buni  «karam»  deydilar.  2.  «Ey  barcha  fanlarni 
bilguvchi  olim,  bu  ish  xayolingga  yaxshi  kelibdi.  Bu  yoqimli 
ishga  hoziroq  kirish»,  –  dedi.  3.  Suhayl  o‘ziga  kelib  qarasa,  qo‘l-
oyog‘i  bog‘langan.  Jobir  unga  qarab:  «Ey  mening  asirim,  jangda 
bo‘sh  kelmading,  –  dedi.  –  Men  minglab  odamlar  bilan  urishdim, 
lekin  senga  o‘xshagan  dovyurakni  hech  ko‘rmaganman».  4.  Mas’ud 
dedi:  «Ey  ochiqko‘ngilli  kishi,  sening  savolingga  javob  berish 
shart».    5.  Muqbil  dedi:  «Ey  shoh,  men  sizning  umringiz  uzoq, 
martabangiz  osmon  bo‘lishini  istayman».  («
Xamsa»  asaridan) 
17-mashq. 
Parchani  o‘qing,  siz  ham  Alisher  Navoiy  avlodi 
ekanligingizdan  faxrlanasizmi?  Uning  ijodini  qanchalik  o‘rgandingiz? 
Shu  haqda  suhbatlashing.  Matndagi  undalmalarni  aniqlang.
O‘zbekiston  Xalq  shoiri  Erkin  Vohidov  talabalik  yillarida 
Mirtemir  domlani  ko‘rish,  suhbatlaridan  bahramand  bo‘lishga 
boribdilar. 
Suhbat  qilib  o‘tirgan  xonalaridagi  ish  stoli  ustida  Pushkinning 
rasmi  turgan  ekan.  Anchadan  so‘ng  suhbat  ichkari  uydagi 
kutubxonada  davom  etibdi.  Ittifoqo  Erkin  akaning  ko‘zi  kitob 
javonidagi  Mir  Alisher  Navoiyning  suratiga  tushibdi  va  beixtiyor 
savol  beribdilar:
–  Ustoz,  nega  Pushkinning  rasmini  ko‘rinadigan  joyga  –  ish 
stolingizga  qo‘ygansiz-u,  bobomiz  Alisher  Navoiyning  rasmlari 
ichkarida? 
Mirtemir  domla  shunday  javob  beribdilar:
–  Erkinjon,  men  hazrat  Alisher  Navoiyning  avlodi,  ul 
zot  qoldirgan  ma’naviy  merosning  merosxo‘ri  ekanim  bilan 
faxrlanaman-u,  biroq,  afsuski,  Pushkinni  o‘qib  tushunganchalik 
http://eduportal.uz

---

15
hazrat  Navoiyni  tushuna  olmayapman,  ma’nolar  olamiga 
kirolmayapman.  Binobarin,  hazratdan  uyalganim,  yuzlariga  qarashga 
xijolat  bo‘layotganim  tufayli  shunday  qilganman. 
(“Ibratli  hikoyalar 
va  xislatli  hikmatlar”  kitobidan) 
1.  Undalma  deb  nimaga  aytiladi?
  
2.  Undalmalar  gapning  boshida,  o‘rtasida,  oxirida  kelganda, 
tinish  belgilari  qanday  qo‘yiladi?
    
3.  O‘z  nutqingizda  kirish  so‘zlar  va  birikmalardan 
foydalanasizmi? 
18-mashq.
  Uyga vazifa.
  Gaplarni  ko‘chiring.  Undalmalar  va  kirish 
so‘zlarning  ostiga  chizing.
1.  Rosti,  dunyoda  inson  bolasidan  ham  aziz  va  ardoqli  zot 
bo‘lmasa  kerak.  (B. Utemurodov)  2.  Bilasizmi,  ma’naviyat  urug‘i 
inson  bolasiga,  eng  avvalo,  ona  suti,  uning  allasi,  oila  va  keng 
jamoatchilik  ta’siri  bilan  singadi.  (Q. Qodirov)  3.  Aslida,  yuragida 
milliy  iftixor  tuyg‘usi,  Vatan  muhabbati  jo‘sh  urgan  bilimdon, 
dono,  tadbirkor  insonlar  har  bir  mamlakatning  salohiyati,  kelajagini 
belgilay  oladigan  katta  kuch  hisoblanadi.  (U. Jumayev)  4.  Do‘st 
yomon  kunda  bilinadi,  deyishadi.  Menimcha,  ularning  qandayligi 
yaxshi  kunda  ham  bilinadi.  (Ch.Aytmatov)