N. Husanov, S. Shokirova, K. Shayxova

 

---

 39
Topshiriq: 
1. Matnni o‘qing u va o‘ tovushlarining talaffuziga e’tibor bering va savollar tuzing.
2. Iqtisodga oid atamalarni toping va yod oling. 
3. Gapdagi ajratilgan so‘zning antonimi asosida gap tuzing. 
Baxilning bog‘i ko‘karmas. 
TOSHKENT MOLIYA INSTITUTI 
 
1931-yilda O’rta Osiyo Davlat universitetining mahalliy xo‘jalik va huquq 
fakulteti tarkibida O‘rta Osiyo Moliya - iqtisod instituti tashkil etildi (keyinchalik 
TMI). 
1962 yilda TMIga Toshkent Xalq xo‘jaligi instituti nomi berildi (TXXI). 
1991 yilda O‘zbekiston Respublikasi Prezidentining farmoniga ko‘ra Toshkent 
Xalq xo‘jaligi institutining Moliya-kredit va hisob- iqtisod fakultetlari negizida 
Toshkent Moliya Instituti tashkil etildi (TMI). 
Toshkent Moliya Instituti hozirgi davrda O‘zbekiston Respublikasining 
“Ta’lim to‘g‘risida"gi qonuni, "Kadrlar tayyorlash milliy dasturi”ning ijrosini amalga 
oshira borib bozor iqtisodiyoti sharoitiga mos moliya, bank, soliq, sug‘urta, qimmatli 
qog‘ozlar va fond birjasi, investitsion loyihalarni moliyalashtirish, buxgalteriya 
hisobi, audit, kasbiy pedagogik tayyorgarlik kabi ta’lim yo‘nalishlari bo‘yicha 
bakalavrlar va magistrlar tayyorlaydi. 
Institutda kadrlar tayyorlashning uzluksiz tizimini ta’minlovchi modeli ishlab 
chiqilgan va yo‘lga qo‘yilgan. 
Bu model o‘z ichiga quyidagi asosiy bosqichlarni qamrab olgan: 
•
moliya litseyi; 
•
soliq litseyi; 
•
bank kolleji; 
•
bakalavriatura; 
•
magistratura; 
•
malaka oshirish instituti; 
•
aspirantura; 
•
doktorantura. 
Mutaxassis kadrlar tayyorlash modelini amalga oshirish, ularni hozirgi zamon 
talablariga va jahon andozalariga mos bo‘lishi uchun institutda 7 ta fakultet, "Soliq 
tashkilotlari uchun kadrlar tayyorlash markazi" va magistratura bo‘limi hamda 25 ta 
kafedra faoliyat ko‘rsatmoqda. 350 dan ortiq professor-o‘qituvchilarning 60% 
foizidan ortiqrog‘i ilmiy unvonlarga ega. Hozirgi kunda institutda ta’lim olayotgan 
talabalar soni 5000 dan ortiqdir. O‘quv jarayoniga ilg‘or texnik vositalaridan 
kompyuterlar, nusxa ko‘chiruvchi apparatlar, proktyesion vositalar kiritilgan va shu 
asosda o‘qitishning yangi uslublari joriy qilingan. 
Institutda xorijiy tillarni o‘rganishga katta e’tibor qaratilgan. Barcha 
fakultetlarning o‘quv jarayonlarida zamonaviy texnik vositalar va til o‘qitishning 
yangi, ilg‘or uslublari keng qo‘llanilmoqda. Bu esa o‘z navbatida institut 

---

 40
talablarining chet el adabiyotlarini o‘rganish hamda ularni chet ellarga yuborish va 
turdosh universitetlar bilan o‘quv-ilmiy-uslubiy hamkorlik qilish imkoniyatini 
yaratgan. 
Topshiriq:
1. Matnni o‘qing I, e unlilarining talaffuziga e‘tibor bering va savollar tuzing.
2. Siz ta’lim olayotgan fakultet haqida ma’lumot bering. 
3. “Kasbim – faxrim” mavzusida bog‘lanishli matn tuzing.