N husanov m. Husanova r. Xo‘jaqulova

QAROR QILADI:
2.3.1. Kafedra mudiri N.Husanovning “Iqtisodiyotda texnik yozuv” o‘quv qo‘llanmasi tayyor bo‘lganligi haqidagi axboroti ma’lumot uchun qabul qilinsin
2.3.2. N.Husanov, M.Husanova, R.Xo‘jaqulova, E.Yusupovlarning “Iqtisodiyotda texnik yozuv” o‘quv qo‘llanmasi nashrga tavsiya etilsin.
2.3.3. Institut o‘quv-uslubiy kengashdan N.Husanov, M.Husanova, R.Xo‘jaqulova, E.Yusupovlarning “Iqtisodiyotda texnik yozuv” o‘quv qo‘llanmasini muhokama qilish va nashrga tavsiya etish so‘ralsin.
Kafedra mudiri N.Husanov
Kotiba N.Diyorova
33-topshiriq. Xizmat xatlari haqidagi ma’lumotlardan foydalanib da’vo xat, ilova xat, iltimos xat, kafolat xat, tasdiq xat, farmoyish xat, eslatma xatlarga namuna yozing.
Xizmat xatlari
Muassasalar orasida xizmat aloqalarini amalga oshiruvchi asosiy hujjatdir. Xat orqali bajariladigan masalalar ko‘lami juda keng bo‘lib, bunday yozishmalar vositasida turli ko‘rsatmalar, so‘rovlar, javoblar, tushuntishlar, xabarlar, takliflar, iltimoslar, kafolatlar beriladi yoki qabul qilinadi. Mazmun jihatdan turlicha bo‘lgan bunday hujjatlar umumlashtirilgan holda xizmat xatlari deb yuritiladi.
Da’vo xat
Ma’lum bir muassasaning boshqa bir idora yoki transport tashtashkilotlariga nisbatan talab va e’tirozlari bayon qilingan xatlar — da’vo xatlar yoki da’vonomalar deb yuritiladi.
Da’vo xatlar ijara pudrati, qurilish ishlari, ijara, yuk tashish va shu kabi bir qancha ishlar bo‘yicha tuzilgan shartnomalar bajarilmay qolganda o‘z qonuniy huquqlarini va manfaatlarini himoya qilish maqsadida tuziladi.
Da’vo xatlarining asosiy zaruriy qismlari qo‘yidagilardan iborat:

1. 
   Da’vo qiluvchi muassasaning nomi va manzili.
   
2. 
   Xatning yozilish sanasi va tartib raqami.
   
3. 
   Da’voni qabul qiluvchi muassasaning nomi va adresi.
   
4. 
   Da’vo bahosi (qiymati).
   
5. 
   Xat matni.
   
6. 
   Ilovalar ro‘yxati(sahifalar soni ko‘rsatilgan holda).
   
7. 
   Mansabdor shaxslarning imzosi.