N husanov m. Husanova r. Xo‘jaqulova

32-topshiriq. Majlis bayoni va undan ko‘chirma olish haqidagi ma’lumotlardan foydalanib guruhingiz majlisi bayonini yozing va undan ko‘chirma oling.
Majlis bayoni va undan ko‘chirma olish: majlis bayonining boshlang‘ich tashkilotlardan tortib oliy darajadagi yig‘ilishlarda yuritiladigan hujjat. Uning zaruriy qismlari: yig‘ilish o‘tkazilayotgan tashkilot, sana, tartib raqami, yig‘ilish joyi, rais va kotib familiyasi, ishtirokchilar soni, kun tartibi, masala muhokamasi, so‘zga chiqqanlar, qabul qilingan qarorlar, ilova hujjatlar, rais va kotib imzolari, familiyasi, ayrim masalalar bo‘yicha majlis bayonidan ko‘chirma olish tartib qoidalari yoziladi.
TOSHKENT MOLIYA INSTITUTI«O‘ZBEK VA RUS TILLARI» KAFEDRASINING 2011YIL 19 MAYDAGI YIG‘ILISH BAYONNOMASIDAN
KO‘CHIRMA
19.05.11. №19 Toshkent shahri
Qatnashdilar: N.Husanov, A.Saparov, Q.Beknazarov, E.Xusnutdinova, N.Karimova, N.Diyorova, E.Mirzaeva, M.Husanova, R.Xo‘jaqulova, E.Yusupov, S.Uglanova.
KUN TARTIBI:

2. 
   N.Husanov, M.Husanova R.Xo‘jaqulova, E.Yusupovlarning “Iqtisodiyotda texnik yozuv” o‘quv qo‘llanmasini nashrga tavsiya etish haqida
   

2.1. ESHITILDI: Kafedra mudiri N.Husanov 10 yildan buyon o‘qitilib kelinayotgan “Iqtisodiyotda texnik yozuv” fani bo‘yicha ma’ruza matnlari, uslubiy qo‘llanma, test savollari mavjud bo‘lsa-da, bu fandan amaliy mashg‘ulotlarni olib borish uchun o‘quv qo‘llanmasi tayyorlanganligini ta’kidladi. N.Husanov, M.Husanova, R.Xo‘jaqulova, E.Yusupovlar tomonidan tayyorlangan “Iqtisodiyotda texnik yozuv” o‘quv qo‘llanmasi talabalar uchun muhim amaliy adabiyot vazifasini o‘taydi.
2.2. SO‘ZGA CHIQDILAR: O‘qituvchi R.Xo‘jaqulova so‘zga chiqib, 1997 yildan buyon professor N.Husanov, M.Husanova, R.Xo‘jaqulova, E.Yusupovlarning “Iqtisodiyotda texnik yozuv” o‘quv qo‘llanmasini ishlashayotganligini, bu o‘quv qo‘llanma amaliy mashg‘ulotlarga mo‘ljallangan bo‘lib, yangi alifbo va uning imlosiga o‘rgatish nihoyatda muhimligi, umumdavlat ahamiyatiga egaligi va shu sababli qo‘llanmaning 1-2 mavzularida bu masalaning yoritilishi, keyingi mavzularda iqtisodiy so‘z va terminlarning yasalishi, qo‘llanilishi, iqtisodiy matnlarni tuzish, tahrir qilish, ish qog‘ozlarini xatosiz yozish masalalarini qamrab olganligini aytib o‘tdi. Bu qo‘llanma talabalar savodxonligini oshirishga ham, ularning ma’naviy olamini boyitishga ham tegishli hissa qo‘shadi.
Kafedra dotsenti Q.Beknazarov, katta o‘qituvchi N.Diyorovalar so‘zga chiqishib N.Husanov, R.Xo‘jaqulova, E.Yusupov, M.Husanovalarning “Iqtisodiyotda texnik yozuv” o‘quv qo‘llanmasi lotin yozuviga asoslangan yangi o‘zbek alifbosi va yangi imlo qoidalarini oliy o‘quv yurtlari o‘qituvchilari va talabalriga o‘rgatish, o‘zbek iqtisodiy terminologiyasining tarixiy shakllainishi boyish manbali, iqtisodiy terminlarni qabul qilish va tartibga solish yo‘llari, yozuv va uning turlari, matn va uni tahrir qilish, ish yuritish va hujjatlarni to‘g‘ri yo‘lga qo‘yish masalalarini amaliy mashqlar orqali echishga qaratilganini ta’kidlab o‘tdi.
Yuqoridagilardan kelib chiqib, kafedra yig‘ilishi