N husanov m. Husanova r. Xo‘jaqulova

Iltimos xatlarning asosiy qismlari:

1. 
   Xatni oluvchi muassasa va mansabdor shaxsning nomi.
   
2. 
   Matn
   
3. 
   Ilova (zarur bo‘lgan holda).
   
4. 
   Mansabdor shaxslarning imzosi.
   

O‘zbekiston Milliy universiteti
rektori A.Mahmudovga
Kafedramiz katta o‘qituvchisi N.Diyorovani tilshunoslik bo‘yicha malaka oshirish maqsadida 2 oy muddatga (2011.10.10 dan 2011.12.12. gacha) tajriba o‘tashga qabul qilishingizni so‘raymiz.
“O‘zbek va rus tillari”
Kafedresining mudiri N.Husanov
Kafolat xat
Muayyan bir shart yoki va’dani tasdiqlash maqsadida tuziladi. Xatlarning bu turi qoidaga ko‘ra bajarilgan ish uchun haq to‘lashda, ishning bajarilish muddati haqida, turar joy bilan ta’minlashda, ishga qabul qikishda, bajariladigan ishning sifati haqida kafolat berish uchun tayyorlanadi va tashkilot yoki alohida shaxslarga jo‘natiladi.
Kafolat xati boshqa xatlardan farqli o‘laroq xat yuo‘llanayotgan shaxsga to‘g‘ridan-to‘g‘ri murojaat qilish bilan boshlanishi ham mumkin.
Tasdiq xat
Ma’lum bir muassasa tomonidan yuborilgan iltimos va so‘rovlarga javob tarzida yoziladigan xatlarning bir turidir. Tasdiq xatning qaysi xatga javoban bitilganligi iloji boricha aniq ko‘rsatilishi kerak. Bunday xat matni qo‘llanuvchi asosiy so‘zlardan biri “tasdiqlamoq” fe’lidir. Masalan:
Sizning xom ashyo so‘rab 12 yanvarda jo‘natgan A— 22—18 raqamli xatingizni olganligimizni tasdiqlaymiz. Bu to‘g‘ridagi bizning javobimiz 22 yanvargacha xabar qilinadi.
Tasdiq xatlari o‘z vaqtida jo‘natilsa, eslatma xatlar uchun hech qanday ehtiyoj sezilmaydi, natijada xizmat yozishmalarining hajmi qisqaradi.
Tasdiq xat
Bugun, 5 iyunda Sizdan buyurtmamiz bo‘yicha mahsulot ishlab chiqarayotganligingiz haqida xabar berilgan telegrammani oldik.
O‘z baqtida qaytarilgan javob uchun Sizlarga minnatdorchilik bildiramiz
Farmoyish xat
Bir tarmoqqa tegishli quyi muassasalarning barchasiga yuo‘llangan rasmiy hujjatdir. Farmoyish xatlar xizmat aloqalarining ko‘pgina sohalarida qo‘llaniladi. Farmoyish xatlar bosh muassasalar rahbari tomonidan imzolanadi. Agar xat matnida hisob bo‘limiga oid masalalar ham bo‘lsa, bosh hisobchi ham imzo chekadi. Bosh rahbar imzolagan 1-nusxa asliyat sifatida saqlanadi. Boshqalari esa umumiy bo‘lim yoki muassasa kotibi tomonidan tasdiqlanib, nusxa sifatida tarqatiladi.
Eslatma xatlar
Jo‘natilgan iltimos va so‘rov xatlarga javob olinmasa, shuningdek, tizilgan shartnomalar muddati buzilganda yoki unga amal qilinmagan hollarda eslatma xat yuboriladi.
Mazkur xatlar mazmun jihatdan uncha katta bo‘lmaydi. Ular mazmun jihatdan telegrammalarga yaqin turadi. Odatda, eslatma xat bir yoki ikki jumladan iborat bo‘lib, kotib yoki referent tomonidan imzolanadi.