N husanov m. Husanova r. Xo‘jaqulova

12-topshiriq. O‛qish, yashash joyingizdan beriladigan ma’lumotnomaga alohida-alohida namuna yozing.
13-topshiriq. Bildirishnoma haqidagi ma’lumotlardan foydalanib bank boshqaruvchisiga bildirishnoma yozing
Bildirishnoma: bildirishnomaning zaruriy qismlari: tashkilot rahbari familiyasi, hujjat yozayotgan kishining lavozimi, familiyasi va hujjat matni, ilova hujjat hajmi va nusxasi ro‘yxati, tuzuvchilarning imzo va familiyasi va sanasi keltiriladi. Bildirishnoma tashabbus, axborot, hisobot xususiyatiga ega, korxona doirasida va yuqori tashkilot, mansabdor shaxslar nomiga yoziladi.
Toshkent moliya instituti prorektori,
professor A. Karimovga
“O‘zbek va rus tillari” kafedrasi
mudiri N. Husanovdan
BILDIRISHNOMA
Bildirishnoma matni (uning yozilish sabablari, xulosalar, talab va takliflar).
Kafedra mudiri N.Husanov
14-topshiriq. Axborot, hisobot, tashabbus bildirishnomalariga bittadan namuna keltiring.
15-topshiriq. Tavsiyanoma haqidagi ma’lumotlardan foydalanib do‘stingizga tavsiyanoma yozing.
Tavsiyanoma: tavsiyanomaning zaruriy qismlari: tavsiyanoma berilayotgan shaxsning fazilatlari, malakasi, oilaviy ahvoli, ma’naviy-axloqiy jihatlariga doir tavsifiy matn, tavsiyanoma beruvchining lavozimi, ismi, familiyasi va imzosi, hujjat berilgan sanasi ko‘rsatiladi. Bu hujjat korxona ma’muriyati, ijodiy uyushmalar, alohida shaxslar tomonidan beriladi.
Kredit-iqtisod fakultetining
2-kurs talabasi, 1989 yilda tug‘ilgan,
Nodirov Saidga
TAVSIFNOMA
Said Nodirov o‘rta maktabni tugatgach, 2008 yilda kredit-iqtisod fakultetining 1-kursiga o‘qishga kirdi.
Institutda tahsil olayotgan davrida u intizomli, ziyrak va zukko talaba sifatida o‘zini ko‘rsatdi. Bilimlarni qunt bilan o‘rganishga harakat qiladi, iqtisod fanlariga qiziqadi. U 2010 yilning aprel oyida talabalarning Xalqaro ilmiy koferensiyasida ma’ruza bilan qatnashdi. Ma’ruzasi konferensiyaning faxriy yorlig‘i bilan taqdirlandi.
S.Nodirov fakultetning jamoat ishlarida faol ishlarida faol qatnashadi, fakultetning “Yosh iqtisodchilar” devoriy gazetasiga muharrirlik qiladi.
U kamtarin va to‘g‘riso‘zligi, mehribonligi tufayli hamkurslari hurmatiga sazovor bo‘lgan.
Tavsifnoma Yunusobod tuman hokimiyatiga taqdim qilish uchun berildi