N husanov m. Husanova r. Xo‘jaqulova

Dekan O.Sattorov
Kasaba uyushmasi raisi N. Akbarova
(muhr) (sana)
16-topshiriq. Guruhingizdagi talabalardan birini Navoiy stipendiyasiga tavsiya etib tavsiyanoma yozing.
17-topshiriq. Tilxat haqidagi ma’lumotdan foydalanib pul olganligingiz haqida tilxat yozing.
Tilxat: tilxat korxona, muassasa, tashkilot yoki biror shaxsdan pul, hujjat yoki qimmatbaho narsa olinganligini tasdiqlovchi hujjatdir. Tilxatning zaruriy qismlari: tilxat beruvchi kishining ish yoki yashash joyi, lavozimi, familiyasi, ismi, otasining ismi, mulk egasining ish yoki yashash joyi, lavozimi, familiyasi, ismi, otasining ismi, tilxat evaziga olinayotgan narsaning nomi, qiymati yoki miqdori, hujjat yozilgan sana, tilxat yozuvchining imzosi va familiyasi ko‘rsatiladi.
TILXAT
Men, Toshkent moliya institutining xo‘jalik ishlari bo‘limining mudiri Karim Botirov Toshkent mebel korxonasining mudiri Latif Hasanovdan institute buyurtmasi asosida tayyorlangan, umumiy bahosi 8mln. so‘mlik bo‘lgan 20 dona kitob javonlarini qabul qilib oldim
2010.10.10 (imzo) K.Botirov
18-topshiriq. Institut g‛aznasidan guruh talabalariga tegishli bir oylik stipendiyani tarqatish uchun olganlik haqida tilxat yozing.
19-topshiriq. Ishonchnoma haqidagi ma’lumotdan foydalanib o‘z nomingizga kelgan pulni kursdoshingiz olishi uchun ishonchnoma yozing.
Ishonchnoma (vakolatnoma): ishonchnoma korxonalararo faoliyat ko‘rsatish uchun beriladigan rasmiy hamda shaxsiy tarzda yoziladi. Rasmiy ishonchnomalar bosma ish qog‘ozida moddiy, qimmatdor buyumlar olish huquqini beruvchi hujjatdir. Shaxsiy ishonchnomaning zaruriy qismlari: vakolat beruvchining familiyasi, ismi, otasining ismi, vakilning familiyasi, ismi, otasining ismi, ishonchnoma mazmuni, ishonch bildiruvchining imzosi, familiyasi, berilgan sanasi, ishonch bildiruvchining imzosini tasdiqlovchi idora, mansabdorning familiyasi, imzosi, muhr va tasdiqlangan sana ko‘rsatiladi.