N husanov m. Husanova r. Xo‘jaqulova

G‘g‘-G‘g‘ harfi. Katta “G‘” harfi va kichik “g‘” harflari o‘rta qismidan keyingi harfga o‘tiladi: G‘ G‘ g ‘ g‘.
G‘azna, ro‘zg‘or, tog‘, g‘oz kabi so‘zlarda chuqur til orqa jarangli sirg‘aluvchi undoshni ifodalash uchun yoziladi.
Qq-Qq harfi. Lotin alifbosidagi katta “Q” harfi pastki qismidan ilmog‘i orqali, kichik “q” harfi esa o‘rta qismidan keyingi harfga tutashtiriladi: Q Q q q.
Qarz, qo‘shma korxona, qimmatbaho, qo‘shimcha, qirq, aql, haqiqiy kabi so‘zlarda chuqur til orqa jarangsiz portlovchi undoshni ifodalash uchun yoziladi.
Xx-Xx harfi. Lotin alifbosidagi “X” harfi, kirill alifbosidagi “X” harfiga o‘xshash. Katta va kichik shakllari pastki tugallanish qismidan keyingi harfga tutashtiriladi: X X x x.
Xarajat, xalqaro, xolding, xaridor, axborot, baxt kabi so‘zlarda chuqur til orqa jarangsiz sirg‘aluvchi undoshni ifodalash uchun yoziladi.
Hh-Hh harfi. Lotin alifbosidagi “H” harfining katta bosma va yozma shakllari kirill alifbosidagi “Н” harfiga o‘xshaydi. Yozma katta “H” va kichik “h” harflari keyingi harfga pastki tugallanma qismidan qo‘shib yoziladi: H H h h
hamkorlik, xususiylashtirish, hukumat, hisob-kitob, hosil, bahor, nikoh, isloh kabi so‘zlarda jarangsiz sirg‘aluvchi bo‘g‘iz undoshini ifodalash uchun yoziladi.
Rr-Rr harfi. Bu harfning katta “R” va kichik “r” harfi ham boshqa harfga pastki tugallanish qismidan qo‘shiladi:
R R r r.
Real baho, raqobat, rentabellik, bor, agrar, aksiyador kabi sozlarda til oldi ovozdor titroq undoshni ifodalash uchun yoziladi.
Ll-Ll harfi. Lotin alifbosidagi “L” harfining yozma va bosma shakli kirill alifbosiga o‘xshash emas. Katta “L” harfi va kichik “l” harfi keyingi harfga pastki tugallanma qismidan qo‘shib yoziladi: L L l l.
Litsenziya, lizing, limit, lombard, lotereya, loyiq, iloj, xil, mahal kabi so‘zlarda sirg‘aluvchi ovozdor yon undoshni ifodalash uchun yoziladi.