N husanov m. Husanova r. Xo‘jaqulova

Mm-Mm harfi. Kirill alifbosidagi “М” harfiga o‘xshash bo‘lib, yangi alifbodagi katta va kichik harflar pastki tugallanish qismi orqali keyingi harfga tutashtiriladi: M M m m.
Milliy pul, monopoliya, moliya, manfaatdor, mablag‘, tomon kabi so‘zlarda ovozdor lab-lab burun undoshini ifodalash uchun yoziladi.
Nn-Nn harfi. Lotin alifbosidagi katta “N” va kichik “n” harfi keyingi harfga pastdan tutashtiriladi: N N n n.
1) nazorat, naqd, narxnoma, narx-navo, natija, bank, oltin kabi so‘zlarda til oldi ovozdor burun undoshini ifodalash uchun yoziladi;
2) jonbozlik, shanba, yonma-yon kabi so‘zlarda n tovushi ba’zan m aytilsa ham, n yoziladi.
Yy-Yy harfi. Bu harf kirill alifbosida mavjud bo‘lgan “e”, “л”, “ю”, “я” harflari ifodalagan tovush birikmalarini harf birikmalari shaklida-“ye”, “yo”, “yu”, “ya” kabi ko‘rinishlarda ifodalash uchun qo‘llanadi. Kirill yozuvidagi “э” va “e” harflari bilan yoziladigan so‘zlar imlosida chalkashliklar mavjud edi. Yangi alifboda “e” harfi so‘z boshida ham, so‘z o‘rtasida ham, so‘z oxirida ham “э” tovushini ifodalaydi. Masalan: erkin, poema, karate, alifbe, deraza, elak. Kirill alifbosidagi “e” harfi so‘z boshida ham, so‘z o‘rtasida ham “ye” harflar birikmasi bilan beriladi. Masalan: yel, yelim, yelkan, yelpig‘ich, yelvizak, yetuk, yetakchi, yetim, yetti.
Kirill alifbosidagi “я”, “ю”, “ё” harflari so‘z boshida ham, so‘z o‘rtasida ham, so‘z oxirida ham yangi alifbo bo‘yicha “ya”, “yu”, “yo” tarzida beriladi. Masalan: yagona, yakson, yana, yarim, jiyan, hajviya, yugurdak, yuklama, yulduz, yurak, yuzaki, buyuk, yovuz, ayyor, bayon, avliyo, hayot, hayo. Ammo rus tilidan va u orqali g‘arb tillaridan o‘zlashgan so‘zlarda “я” o‘rnida “a”, “yu” o‘rnida “u”, “yo” o‘rnida “o” harfining o‘zi qo‘llanadi. Masalan: аккумлятор - akkumulator, калькулятор - kalkulator, костюм - kastum, салют - salut, дирижёр - dirijor, дублёр - dublor.
Bunga sabab rus tili va rus tili orqali yevropa tillaridan o‘zlashtirilgan so‘zlar o‘zbek tili talaffuz qoidalariga moslashtirib o‘zlashtiriladi.
Katta “Y” harfi va kichik “y” harflari keyingi harfga o‘rta qismidan tutashtiriladi: Y Y y y.
Yillik hisobot, yig‘imlar, yevro, yechim, tayyor, to‘y, yulduz, dunyo kabi so‘zlarda til o‘rta sirg‘aluvchi undoshni ifodalash uchun yoziladi;