N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

Ishni bajarish

1-ish. Baqachanoq chig’anog’ining tuzilishini o’rganing. Uning yillik xalqalarini aniqlang. Baqachanoq tanasining oldingi va keyingi tomonlarini aniqlang. Baqachanoq tanasining umumiy ko’rinishi rasmini chizing va ifodalab qo’ying.

2-ish. Baqachanoqning ichki tuzilishini o’rganish uchun chig’anoq pallalari orasiga issiq suv quyiladi. Keyin jarroxlik pichog’ini mollyuska chig’anog’ini pallalari orasiga tiqib, ligament yaqinidagi oldingi va keyingi yopuvchi muskullarni kesing. Shunda pallalar ochiladi. Yorilgan mollyuskani vannachaga o’rnatib, ustidan ko’milguncha suv quying. Shundan so’ng qisqich bilan mantiya pardasining bir chetidan ushlab ko’tariladi va uning ostidagi mantiya bo’shlig’i, jabra plastinkalari ko’rinadi. Mantiya pardasining oxiridagi kirish va chiqish sifonlarini ko’ring. Baqachanoqning ichak, yurak va boshqa ichki oranlarini o’rganish uchun oyoqning asos qismidan boshlab jarrohlik pichog’i bilan tana ikkiga ajratiladi.

3-ish. Baqachanoqning ichki tuzilishini rasmini chizing va ichki organlarini ifodalab qo’ying.