N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

Ishni bajarish

1-ish. Tirik tibbiyot zulugini Petri idishiga solib, uning harakatini kuzating. Keyin uni spirtda o’ldirib, qo’l lupasi yordamida tashqi tuzilishini ko’zdan kechiring. Og’iz va anal so’rg’ichlarini toping, bosh qismining yelka (orqa) tomonida joylashgan besh juft ko’zlarini joylashish holatiga e’tibor bering.

2-ish. Zulukning ichki tuzilishini o’rganish uchun o’ldirilgan zulukni qorin tomonini pastga qaratib parafinli idishga yotqizing. Tananing bosh va dum qismlarini to’g’nag’ich bilan sanchib o’rnating. O’tkir uchli qaychicha bilan dumga yaqin joy terisi ko’ndalangiga kesiladi. Keyin qaychining bir uchi kesilgan joyni ostiga kiritilib, teri bosh tomonga qarab bo’ylama kesiladi va kesilgan teri ikki yon tomonga tortilib, to’g’nag’ichlar bilan parafinga qadaladi. Ochilgan zulukning ustidan tomizg’ich bilan suv quyilib, ovqat hazm qilish, ajratish va jinsiy organlari topilib, o’rganiladi.

3-ish. Qo’l lupasi yordami bilan soxta ot zulugining tashqi tuzilishini batafsil ko’zdan kechiring.

4-ish. Tibbiyot va soxta ot zulugining tanasini umumiy ko’rinishi rasmlarini daftarga chizib, ifodalab qo’ying. Shuningdek tibbiyot zulugining anatomiyasi va tananing ko’ndalang kesimi rasmlarini chizing va ifodalab qo’ying.