N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

Ishni bajarish

1-ish. Formalinda fiksasiyalangan nereisni Petri idishiga qo’yib, qo’l lupasi yordamida uning tashqi tuzilishini ko’zdan kechiring. Uning tanasi bir xil (gomonom) segmentlardan iborat ekanligini ko’ring. Har bir segmentning ikki yon tomonida joylashgan parapodiylarni ko’zdan kechiring.

2-ish. Mikroskopning kichik obyektivida nereisning bosh bo’limini mikropreparatini ko’rib, undagi palplar, prostomium va peristomiumlarni, prostomiumdagi ko’zlarni toping. Boshqa tayyor mikropreparatlardan nereis anal bo’limining tuzilishi, dumning tuzilishi, undagi paypaslagichlarni ko’ring.

3-ish. Parapodiyaning bo’yalgan mikropreparatini mikroskopning kichik obyektivida ko’rib, ustki va ostki bo’lakchalaridagi tukchalarga, asikulaga e’tibor bering.

4-ish. Fiksasiyalangan qumchuvalchangini Petri idishiga qo’yib, qo’l lupasi yordamida uning tashqi tuzilish xususiyatlariga, ya’ni tananing oldingi va orqa yarmidagi segmentlarning farqlariga, dum qismida parapodiyalarni bo’lmasligiga, jabralariga e’tibor bering.

5-ish. Nereisning tanasini umumiy ko’rinishi, bosh bo’liminig tuzilishi, parapodiyaning tuzilishini, tananing ko’ndalang kesimi rasmlarini chizing va ifodalab qo’ying.

Qumchuvalchang tanasining umumiy ko’rinishi rasmini chizing va ifodalab qo’ying.