Н. Э. Темирова фанидан ўҚув –услубий мажмуа ўзбекистон республикаси олий ва ўрта махсус таълим вазирлиги

Муаллифлар туғрисида маълумот.
Муаллиф “ДЖҚНА” кафедраси доценти, фалсафа фанлари номзоди Темирова Нилуфар Эркиновна 1973 йил, 20 январда Сирдарё вилоятининг Оқолтин туманида таваллуд топган.
Н.Темирова “ Миллий истиқлол ғояси: асосий тушунча ва тамойиллар” ўқув қўлланмаси (2001й), “Қадриятлар ва ёшлар камолоти” номли рисола (2008й), “Маънавият” асосий тушунчалар изоҳли лўғати (2009й), “Баркамол авлод табиясида қадриятлар омили” номли монография (2013й) ва 50 дан ортиқ илмий мақолалар муаллифидир. Қуйида тақдим этилаётган “Социология” фанидан ўқув-услубий мажмуа ўқув-услубий ишларининг натижаларидан биридир.
ЎУМ буйича маслахат ва тавсиялар.
КИРИШ
Ушбу ўқув услубий мажмуа барча бакалавириат йўналишида таҳсил олаётган талабалар учун мўлжалланган бўлиб, у амалдаги «Социология» дастури бўйича ўқув услубий мажмуа сифатида тайёрланган. Фанинг моҳияти талабаларни Социология фанининг назарий асослари бўйича замонавий билимлар билан қуроллантириш, Ўзбекистон Республикасида давлат ва жамият қурилишининг асосий хусусиятлари, ижтимоий- сиёсий, маънавий жиҳатлари хамда турли ижтимоий тузилмаларнинг ривожланиши масалалари билан таништириш. Уларнинг илмий дунёқарашини шакллантириш, ҳаётда ўз ўрнини эгаллашига кўмаклашиш кабилар фаннинг асосий мақсади хисобланади. Жамият ҳаёти соҳаларини янада чуқурроқ билишлари, уни демократлаштириш хамда инсон ва фуқароларнинг иқтидори, салоҳиятини янада ривожлантириш, фуқаролик жамиятини барпо этиш соҳасида самарали фаолият кўрсатиш. Ижтимоий ҳаётни ўрганиш, таҳлил қилиш ва шу асосда уларнинг ечимини топишда интелектуал қобилиятли, маънан ва руҳан баркамол ёшларни тарбиялашдан иборатдир. Ўзбекистонда ижтимоий жараёнларни янада такомиллаштиришга ўз ҳиссасини қўшиш ва унда олган билимларидан унумли фойдаланиш орқали етук малакали мутахассис бўлишига ёрдам беришдан иборатдир.


Фаннинг мақсад ва вазифалари.
Фаннинг мақсади:
Талабаларга социология фанининг мазмун ва моҳиятини тушунтириш ва жамиятнинг ижтимоий турмуш тарзидаги аҳамиятини кўрсата билиш. Шунингдек социология мутахассислигининг жамиятдаги ўрни ва хусусиятларини илмий асослаб бериш. Ўзбекистонда мавжуд ижтимоий тизимни бошқаришда яхлит механизмни яратиш, тавсиялар, таклифлар ишлаб чиқиш.Социал билимлар доирасида тассавур, кўникма ва малакаларини шакллантириш.