N. B. Yahyoxonov h. I. Allayorov

KURS ISHI MAVZUSINI TANLASH

Kurs ishining muvaffaqiyatini aniqlaydigan muhim va mas’uliyatli vazifalardan biri – tadqiqot mavzusini tanlashdir. Mavzularga qo‘yiladigan umumiy talab – ularning dolzarbligi, sotuv muammolari va iste’molchilar bilan bog‘liqligidir. Ular hozirgi zamon talablari va iqtisodiyotni rivojlanish tendensiyalari istiqbollaridan kelib chiqishi zarur.

Kurs ishi mavzusi keng qamrovli nazariy va amaliy xususiyatga ega bo‘lishi va ob’ekt to‘g‘risida eng muhim vazifalarni qamrab olishi va ilmiy yo‘nalishda tahlil qilinishini nazarda tutishi lozim. Kurs ishi mavzusi muammoning zamonaviy holatini va iqtisodiyot, biznes, ishlab chiqarish, ijtimoiy sohalar, fan, ta’lim va madaniyatning istiqboliy rivojlanishini eks ettirishi kerak.
Kurs ishini muvaffaqiyatli bajarilishining muhim omili – bu talabaning o‘z qiziqishi va qobiliyatiga qarab mos mavzuni tanlashi hisoblanadi. Shuning uchun ushbu bosqichda talaba mavzu tanlashda sinchkov va mas’uliyatli bo‘lishi lozim.
Kurs ishi mavzulari kafedra tomonidan ishlab chiqiladi va tasdiqlanadi. Mavzular yo‘nalishi o‘quv dasturi doirasida va talabaning qobiliyati hamda imkoniyatlari darajasida bo‘lishi kerak.
Kurs ishi mavzusi talabalarni nazariy bilimlarini mustahkamlashga va ijodiy fikrlashga qaratilgan bo‘lishi bilan bir qatorda erkin bozor munosabatlaridan kelib chiqib belgilanishi kerak.
Kurs ishi rahbari talabaga tanlangan mavzu bo‘yicha kurs ishi topshirig‘ini rasmiylashtiradi va kafedra mudiri tasdiqlagandan so‘ng topshiriqni talabaga beradi.
Kurs ishi topshirig‘ida talabaning familiyasi, ismi va sharifi, mutaxassisligi, kursi, guruhi, fan nomi, kurs ishi mavzusi, topshirish muddati bilan bir qatorda namunaviy reja (kirish, asosiy qism, xulosa va boshqalar) hamda adabiyotlar ro’yxati, me’yoriy hujjatlar va shu kabilar aks etishi lozim.
Kurs ishini bajarish jarayonida kurs ishi mavzusini o‘zgartirish yoki boshqa mavzu tanlanishiga ruxsat etilmaydi.
Kurs ishi mavzulari talabalar sonidan ko‘p bo‘lishi kerak. Odatda marketing yo‘nalishida (o‘zbek guruhlarda) 40-42 talaba tahsil olishadi. Kurs ishi mavzulari talabalarning guruh jurnalidagi tartib raqami to‘g‘risidagi mos raqamlardan birini tanlash asosida amalga oshiriladi. Masalan, MR-119 guruhi jurnalidagi birinchi raqamdagi talaba 25, 50 va 75 mavzulardan birini tanlaydi. MR-319 guruhi jurnalidagi birinchi raqamdagi talaba 20 nomerdagi 6, 31, 56 raqamdagi mavzulardan birini tanlaydi. Ikki talaba tomonidan bir xil mavzu tanlanmaydi. Aksincha ikkitadan ortiqcha mavzu ham mavjud. Mavzularning to‘liq ro‘yxati 1-ilovada keltirilgan.
1. 25 50 75
2. 24 49 74
3. 23 48 73
4. 22 47 72
5. 21 46 71
6. 20 45 70

7. 19	44	69
8. 18	43	68
9. 17	42	67
10. 16	41	66
11. 15	40	65
12. 14	39	64
13. 13	38	63
14. 12	37	62
15. 11	36	61
16. 10	35	60
17. 9	34	59
18. 8	33	58
19. 7	32	57
20. 6	31	56
21. 5	30	55
22. 4	29	54
23. 3	28	53
24. 2	27	52
25. 1	26	51
26. 76	80	84
27. 78	82	83