N. B. Dilmurodov

Jinsiy lablar
– 
labia vulvae
teri, lablarni qisuvchi muskul va shilliq 
pardadan tashkil topgan. Ular yuqorigi va pastki burchaklarni hosil qiladi. 
Yuqorigi burchak – 
angulus dorsalis
yumaloqlashgan, pastki burchak – 
angulus 
ventralis
o‘tkirlashgan. Sigirlarda pastki burchakdan uzun junlar tutami osilib 
turadi.
Hayvonlardagi farq qiluvchi xususiyatlari.
Biyada – jinsiy yoriqning 
yuqorigi burchagi o‘tkirlashgan, pastki burchagi esa yumaloqlashgan; jinsiy lablar 
yuzasi pigmentlashgan teri bilan qoplangan; labning ichkarisida jinsiy lablarni 
qisuvchi muskul bo‘ladi; jinsiy lablarning pastki burchagida bu muskuldan klitorga 
muskul tutami boradi. 
Cho‘chqada – jinsiy lablarning pastki tutashgan joyi o‘tkirlashgan, undan 
pastga kichik tilsimon osilma tushadi. 
Itda – jinsiy lablar valiksimon ko‘rinishda bo‘ladi. 
Klitor 
– 
clitor
kovak tanadan tuzilgan; u quymich do‘ngligidan quymich – 
kovak muskuli bilan yopilib turuvchi ikkita oyoqchasi bilan boshlanib, oyoqchalar 
qo‘shilishib birgalikda birmuncha uzun (12 sm gacha) klitor tanasi – 
corpus 
clitoridis
ni shakllantirib, ular klitor boshchasi – 
glans clitoridis
bilan tugaydi. U 
klitor preputsiyasi – 
praeputium clitoridis
bilan yopilib turadi. 

---

Hayvonlardagi farq qiluvchi xususiyatlari.
Biyada – klitor quymich 
do‘ngligidan boshlanadi; quymich – kovak muskul klitorni taranglovchi muskulni 
hosil qiladi; klitor boshchasi jinsiy lablarning pastki burchagidan erkin chiqadi; 
klitorning preputsial xaltasi klitor chuqurchasini hosil qiladi. 
Cho‘chqada – klitor juda uzun, biroz bukilib, u dahlizga yaqinlashadi va 
preputsiya yopqichida yo‘qoladi; klitor boshchasi o‘tmas konus ko‘rinishida jinsiy 
yoriqqa chiqadi.
Itda – klitor kuchli rivojlangan, tor oyoqchalari va keng yassi tanasi mavjud; 
tanasining uchida klitor boshchasi bo‘ladi; u keng va chuqur preputsial 
chuqurchada yashiringan.