N. B. D ilm u r o d o V, M. G. Karimov, Z. F. Norm uradova «hayvonlar morfologiyasi»

Hayvonlardagi farq qiluvchi xususiyatlar.
Otda — jag'ning ichki 
arteriyasidan quyidagi tarmoqlar: pastki jag' tish, qanotsimon,
299

---

eshitish nayi, miyaning o'rta pardasi, chakkaning chuqur aboral, 
chakkaning chuqur oral, ko'zning tashqi, lunj, ko'z osti, kichik 
tanglay, ponasimon-tanglay, katta tanglay arteriyalari ajraladi.
♦ Oldingi oyoq arteriyalari 
(85-rasm).
Qo'ltiq arteriyasi 
o'mrov arteriyasining davomi hisoblanadi. 
Birinchi qovurg'a yonidan tashqariga chiqib, yelka bo'g'imining 
medial yuzasida joylashadi. Qoramollarda yelka bo'g'imi yonida 
akromial arteriya tarmoqlanadi, bu bo'g'imning orqa tomonida 
kurak osti va yelka arteriyalariga ajraladi. Akromial arteriya dorsal 
holatda joylashib, o'q oldi, kurak osti muskuli, bo'g'im kapsulasi 
va yelka suyagiga tarmoq beradi.
Hayvonlardagi farq qiluvchi xususiyatlar:
Otda — qo'ltiq 
arteriyasini tarmoqlanishi xuddi qoramollarniki singari bo'ladi.
Kurak osti arteriyasi 
kurak osti va katta yumaloq muskullar 
o'rtasida joylashadi. Kurak osti arteriyasi quyidagi arteriya 
tarmoqlarini ajratadi: yelka suyagining aylana lateral arteriyasi, 
kurak-yelka arteriyasi, kurakning aylana arteriyasi va muskul 
tarmoqlari.
Yelkaning aylana lateral arteriyasi yaxshi taraqqiy etgan bo'lib, 
yelkaning uch boshli muskuli, yelkaning keng fassiyasini 
taranglovchi muskul va yelka muskullariga tarmoqlanadi.
Ko'krak-yelka arteriyasi katta yumaloq, yelkaning keng va 
gavda muskullari ning terisiga tarqaladi.
Yelkaning aylana arteriyasi kurak osti, o'q orqa, deltasimon, 
o'q oldi va kurak suyagini ta’minlovchi arteriya tarmog'ini beradi.
Muskul tarmog'i kurak osti. katta yumaloq va uch boshli 
muskullarga tarmoqlanadi.