Н. А. Самиғов, Ф. Д. Жўраева, Сайдуллаев А. Б

ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
16.7-расм. Кассета установкаси 
Икки ярусли станларда темирбетон конструкцияларни тайёрлаш 
технологияси битта-иккита номенклатурадаги маҳсулотни тайёрлаш бўйича 
ихтисослашган бўлади. Бу усулда панеллар, плиталар, тўсинлар, устунлар ва 
бошқалар тайёрланиши мумкин. 
Кассета усули стенд технологиянинг бир тури бўлиб, буюмлар вертикал 
қолип-кассеталарда тайёрланади. 
Қолип-кассеталар ёнма-ён жойлашган, металл пластинкалар билан бир-
биридан ажратилган қолиплардан иборат бўлади. Кассета установкасида 
темирбетон буюмлар қолипланади ва иссиқлик билан ишлов берилади. 
Қолип-кассеталарга қуйилган бетон қоришмаси осма ёки чуқурлик 
титраткичлар ёрдамида зичлаштирилади. 
Улар буюмни буғ ёки электр токи билан иситиш учун мослаштирилган 
махсус мосламаларга эга бўлади. Кассеталарда буюмга 85-95
0
С ҳароратда 6-
10 соат давомида иссиқлик билан ишлов берилади. Иссиқлик билан ишлов 
берилиб, етарли мустаҳкамликка эришган буюмлар кўприк крани воситасида 
бир оз бўшатилган қолиплардан чиқариб олинади. Буюм махсус транспорт 
ёки кўприк крани ёрдамида тайёр маҳсулотлар омборхонасига олиб 
борилади. 
Кассета усулида ташқи ва ички девор панеллари ва плиталари, ёпмалар 
панели, зинапоя маршлари ва супалари, балкон плиталари ва бошқа ясси 
юзали юпқа темирбетон конструкциялар тайёрланади. 
Бу усул бошқа усулларга нисбатан меҳнат унумдорлигининг юқорилиги, 

---

310 
ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
ишлаб чиқариш майдонининг кичиклиги, энергия ресурсларни кам 
сарфланиши ва мажбурий қатъий ритмнинг талаб этилмаслиги билан 
фарқланади. 
Узлуксиз вибропрокат усули
ни инженер Н.Я.Козлов конструкциялаган 
бўлиб, темирбетон буюмлар конвейер усулининг мукаммаллашган туридир. 
Вибропрокат стани тўла механизациялаштирилган ва автоматлаштирилган 
тизим бўлиб, бетон қоришмасини тайёрлашдан бошлаб тайёр маҳсулотни 
олишгача бўлган жараёнлар узлуксиз ишлайдиган қурилмада бажарилади. 
Вибропрокат стани қолиплайдиган лента, таранглаш ва юритиш 
станциясидан, қолиплайдиган ва калибрлайдиган бўлимдан, иссиқлик билан 
ишлов 
бериладиган 
бўлимдан 
иборат 
узлуксиз 
ҳаракатланадиган 
конвейердир. 
Бу усулда ясси темирбетон қаватлараро панеллар, ички ва ташқи юк 
кўтаришга мўлжалланган панеллар, керамзитбетондан тайёрланадиган 
(320мм қалинликгача) ташқи девор бир қатламли панеллар, темирбетон 
қобиқлар, ер ости коллектори плиталари ва бошқалар тайёрланади.