Н а м о з – энг улуғ ибодат (МУсулмон йигит-қизларнинг дин китоби)

ЖАМОАТ НАМОЗИ
Масжидларда уч кишидан ортиқ намозхонларнинг тўпла-
ниб, имом раҳбарлигида адо этиладиган фарз намозлари жамоат 
намозидир.
Жамоат билан ўқиладиган намозга «Жамоат намозидаги 
имомга иқтидо қилдим» деб ният қилиш керак. Имом такбири 
таҳрима айтгач, жамоат ҳам такбири таҳрима айтиб, қўлларини 
боғлайди ва ичида «Сано»ни ўқиб, жим туради. Жамоат қиёмда 
турганида ракъатларнинг ҳеч қайсисида бундан бошқа ҳеч нарса 
ўқимайди, фақат намозда имом овоз чиқариб Фотиҳа сурасини 
ўқиб бўлгач, ичида «Омин», дейди.
Жамоат намозидаги намозхон рукуъда уч карра «Субҳаана 
Роббиял ъазийм», дейди. Имом «Самиъаллоҳу лиман ҳамидаҳ» 
дея қоматини тўғрилаганида жамоат қаддини ростлагач ичида 
«Роббанаа! Лакал-ҳамд», дейди. Саждаларда эса одатдагидек, уч 
карра «Субҳаана Роббиял аълаа», дейилади.
Қаъдаи улода «Ташаҳҳуд», қаъдаи охирда «Ташаҳҳуд», сала-
вот ва дуолар ўқилади ҳамда имом билан салом берилади. Имом-
нинг ортида намоз ўқиган намозхон (муқтадий) барча рукнларни 
адо этишда имомга эргашади, ундан олдин бажармайди.
Бир ракъатнинг рукуъсида, яъни имом ҳануз рукуъда турган 
пайтда ният қилиб, имомга етиб олган намозхон ўша ракъатга етиш-
ган ҳисобланади. Агар намозхон тўрт ракъатли бўлмаган фарз на-
мозларидан бирини ўқишни бошлаб, унинг биринчи ракъати саж-
дасига борган ёки ҳали бормаганида жамоат шу намозни адо этиши 

---

66
учун имом такбири таҳрима айтса, намозхон ўқилаётган намозни 
бузади ва имомга иқтидо қилади (эргашади). Агар тўрт ракъатли на-
моз бўлса, икки ракъатини тугатиб, кейин имомга иқтидо қилади.
Агар тўрт ракъатли фарз намознинг уч ракъатини адо этган 
бўлса, тўртинчи ракъатни ҳам охирига етказади ва салом бериб, 
сўнг жамоат намозига нафл, деб ният қилган ҳолда қўшилади.
Бу ҳол аср намозида бўлса, жамоатга қўшилмайди. Чунки аср 
намозидан сўнг нафл намозини ўқиш макруҳдир.
Бомдод намозининг фарзи бошланганида ёки ўқилаётганида 
келган намозхон унинг суннатини ўқиса жамоатдан қоладиган 
бўлса, бомдоднинг суннатини тарк этиб, фарзига иқтидо қилади. 
Бу тарк қилган суннатининг қазосини ўқимайди. Лекин у бомдод-
нинг фарзини ҳам, суннатини ҳам қазо қилган бўлса, у ҳолда ҳар 
икковини ҳам кейин ўқийди.
Агар мазкур ҳолатда бомдод намозининг суннатини ўқисаю, 
фарзнинг иккинчи ракъатини жамоат билан ўқишга улгурадиган 
бўлса, у ҳолда бомдоднинг суннатини ўқийди.
Пешин намозига такбир айтилганини эшитса, юқоридаги 
икки ҳолда ҳам унинг суннатини тарк этиб, фарзга иқтидо қи-
лади. Сўнгра тарк қилинган тўрт ракъатли суннатни пешиннинг 
охирги икки ракъатли суннатидан олдин ўқийди.