Н. Қ. ЙЎлдошев, Г. Э. Захидов

Коммуникацион тармоқлар
– маълум коммуникацион жараѐн 
иштирокчиларини тегишли ахборот оқимлари ѐрдамида бирлаштириш. 
Маъмурий бошқарув усуллари
– аниқ мақсадларга эришиш учун 
ташкилий муносабатларга таъсир кўрсатиш усулидир. Биттагина ишни турли 
ташкилий шароитлар, уни ташкил этишнинг ҳар хил турлари: қатъий 
тартибга солиш, ҳозиржавоблик билан жавоб қайтариш, умумий вазифаларни 
қўйиш, фаолиятнинг йўл қўйиладиган чегараларини белгилаш ва ҳ.к. 
бажариш мумкин. Жамоага ташкилий таъсир кўрсатишнинг ишлари 
самарали ва сифатли бажарилишини таъминловчи маълум шароитлари учун 
энг ҳақиқий турларини аниқлашда ташкилий усуллар ўзларини намоѐн 
қиладилар. 
Маънавий – руҳий ҳолат
– ижтимоий гуруҳнинг қадриятли 
мўлжалланиши ва шахслараро муносабатлар характерини акс эттирувчи 
барқарор руҳий ҳолат. У ходимларнинг кайфияти, уларни меҳнатдан 
қаноатланганлиги даражасига бевосита таъсир кўрсатади ва бу орқали 
пировардида ходимлар қўнимсизлиги, меҳнат унумдорлигига таъсир қилади. 

---

389 
Қулай муҳитнинг энг муҳим аломатлари: гуруҳ аъзоларининг бир-бирларига 
ишончи ва юқори талабчанлиги; самимий ва ишга доир танқид; фикрни 
эркин ифодалаш; қўл остидагиларга босим йўқлиги; жамоа аъзоларининг 
вазифалари ва ишлар ҳолати ҳақида етарлича хабардорлиги; жамоага 
тегишли эканликдан қаноатланиш; жамоа аъзоларининг ўзаро ѐрдами; 
жамоанинг ҳар бир аъзоси томонидан гуруҳдаги ишларнинг ҳолати учун 
жавобгарликни ўзига олиши. 
Менежер –
доимий равишда бошқарув лавозимини эгаллаб турувчи ва 
бозор шароитларида фаолият юритувчи ташкилот фаолиятининг айрим 
турлари бўйича қарор қабул қилиш ваколати берилган шахс. Менежерлар 
ташкилотда ҳар хил ўринларни эгаллайдилар (директор, гуруҳ раҳбари, 
ишларнинг маълум турининг ташкилотчиси, бошлиқ, мудир ва ҳ.к.), 
бутунлай бир хилда бўлмаган масалаларни ҳал қиладилар, турли 
вазифаларни бажарадилар.