Mysql haqida boshlang’ich tushunchalar Qo'shilgan sana: 2015-12-19 Muallif: Orifjon Sobirov Mysql

MySQL Enterprise Serverni MySQL Community Serverdan farqi, Enterprise tipi o‘zida barcha utilitlarni qamrab oladi va chiqayotgan barcha yangi patch va o‘zgarishlar dastlab shu tipiga chiqariladi va ancha vaqtdan so‘ng Community tipiga chiqadi. Undan tashqari Enterprise tipida klaster texnologiyasi ham mavjud. Biz uchun Community tipi ham yetarli hisoblanadi va shu tipini o‘rganib boramiz.
MySQL Community tipining ham 2 turi mavjud bo‘lib, biri Essentials(boshlang‘ich) versiyasi, ikkinchisi Installer deyiladi. Essential turida faqat server mavjud bo‘lib, hech qanday qo‘shimcha komponenlar yo‘q, Installerda esa bir necha qo‘shimcha komponentlar mavjud bo‘lib, hajmi ham kattaroq. Essential versiyasi zip arxivda beriladi, Installer esa msi fayli ko‘rinishida bo‘ladi.
Undan tashqari mysql ni ko‘chirib olishda, operatsion tizimning qaysi bitligini ham inobatga olish lozim. Saytda ham, 64 va 32 uchun alohida mysql dasturini fayllari taklif qilinadi.
MySQL ishlashi uchun, hech qanday Apache serveri, hech qanday PHP kerak emas. Faqatgina bazani o‘zini o‘rganmoqchi bo‘lsangiz, Apache PHP larni o‘rnatmang. Bular faqat to‘liq sayt yaratish uchun kerak. To‘g‘ri bularni o‘rnatish ham qiyin emas, lekin ortiqcha narsalar. Bazani mukammal o‘rganganingizdan so‘ng qolgan narsalarni o‘rnatib, sozlovchi fayllar orqali bir birlarini bog‘lab olasiz.
Ya’na bir narsa, ko‘pchilik saytlarda oldin Apache qo‘ying, keyin mysql va oxirida PHP ni o‘rnating degan maqolalarni uchratish mumkin. Umuman olganda ketma-ketlikning umuman farqi yo‘q, birgalikda ishlashsa ham, bular hammasi alohida — alohida dasturlar.
Agar hali ham mysql nimaligini anglay olmagan bo‘lsangiz, oxirgi tushuntirish gaplarini yozaman, bu — ma’lumotlar bazasini boshqarish tizimi bo‘lib, bu tizimga sinonim tizim qilib, Oracle, MS SQL SERVER larni misol qilish mumkin.

MySQL MBBT jadvallari miqyosida axborotlarni saqlash tiplari

Qo'shilgan sana: 2015-12-19
Muallif: Orifjon Sobirov
Ma’lumotlar bazasini asosini tashkil qiladigan jadvallar axborotlarni har xil tipda saqlashi mumkin ekan. Jadvalda bajariladigan ishlar asosida kerakli tiplar tanlanadi. Bu maqolamiz, hozirda ishlatiladigan asosiy tiplarga bag‘ishlanadi. Jadval yaratilayotganda bu tiplardan biri tanlanadi, shuning uchun ma’lumotlar bazasi bilan ishlashdan oldin yaxshilab fikr yuritish kerak bo‘ladi(jadvalda nimalar saqlanadi, nima maqsadda saqlanadi, qancha axborot saqlanadi).
Demak, axborotlarni saqlash tiplari bilan tanishishni boshlaymiz: